Rmexzen a Marrok i xessith adh yini mani yedja Chakib El-Khayari, ijen aktiviste dhi thi seqqa ni wdhan. Mass El-Khiari tugha i ruhen ass n 17 Februrar 2009 dhi Casablanca gha Policia i tugha dhasd yesseken tha nfutc (istidaa), zi rexdenni wa yedhha ratha nnes. Dhi w’ass dh’ijen zic, udfen Policia dhi Nador x tha ddath n familiya n Chakib El-Khayari. Uca issin-as computer dh ca n recwaredh nnes, mammec thaawedh familiya n Mass El-Khayari.

El-Khayari i gha yedja 30 i segwusa dha mghar n tha mesmunt na Rif n th’seqqa ni wdhan. Tugha yessghuyyu x thi mesrayin i yetxessan a Rif, amacnaw trafik n droga, a zway gha Europa, i wdhan n sadu tha nezruft (Desert) i tahen gha Mritc (Melilla) dh Ceuta. Anid yessiwer x manaya marra yowr nni yeadhun dhi Television. Bra ma anettu a beddi nnes ak thi seqqa n idles i Mazighen dhi u Marrok.

“Chakib El-Khayari dh ijen activist snent marra, marra tweqqant, dhi ijen th’mwarth ghas attas ni mxumbar. I xessa rmexzen adh yeg min yeqqa a sadhuf (loi) a Marrok, i yeqqan ila i xessithen adh inin mani xemren mass Chakib El-Khayari. Illa adhas dherqen dheghya mara wa yeggi walu mghar i u sadhuf (loi).” I thenna Sarah Leah Whitson tha magharth n wa xxam n Caq yudhsen dh Afrika n’ennej dhi Human Rights Watch.

Dhi tha nfutc id yusin zi bureau a ghelnaw n policia, idja yetfit Chakib El-Khayari dhi 16 Februrar dhi Nador, tugha wa dhayes ca mayemmi xas nigh min zayes azzun. Ca i meddukar nnes nann illa tugha yessawar a kidhsen dhi telefon u fus arami ghasen i ruh dhi 17 februrar. A warnas wa yeqqim ca Telefon nnes yagha.

A sadhuf n “Almistara Aljinaiyya” a Marrok i tejja Policia, s wah n wakil u zedjidh, zman adh tfen wenni dhi cekken mara attas qaa 72 h. Maca i xessasen adhas aermen i Familiya nnes dhi wa mcan.

Familiya n Chakib El-Khayari wa dhasend yewwidh walu xu mcan mani yedja mmithsen, mammec yenna umas n Chakib a mezyan Amin El-Khiari. Amin El-Khayari i tugha yedjan dhi tha ddath rami Policia udefend xasen, yenna illa qa nnanasen qa ghasen Ordre fetcen tha ddath, maca wa dhasen ssemren ca rcighedh i yeqqan manaya.

 

 

 

 

 

 

 Ca n tsawa zi Video ya s'ennej

 

 

I Marra i Mazighen neqqar-awem usem fus i Chakib El-Khayari

 

Tha fraith u beddi ak mass El-Khayari

www.freechakib.com

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.