Mohamed Abdelkrim Alkhattabi mmis n 1882 zi dcar n a Jdair zzath i Biyya (Hoceima), babas tughath dha mghar n tha qbitc n’ait wayigher. Abdelkrim Alkhattabi yeghra dhi Alqarawiyin dhi Fes mani yeghra th’ussna n ccaraa. Tughath dh’imsermedh dhi Mritc jar 1907 dh 1913, illa tugha i tari ak u ghmis n El Telegramma. Tugha dh netta i bedden x tha ghdemt (justice) jar i msermen n Mritc, illa tugha yetowrjam dhi bureau n thi mesrayin n familiyath.

 

Illa tugha yesmuna thi qebbar thi mazighin na Rif, i xef yedhwer dh mghar zi 1920 s’ennej.

Yebdha a menghi nnes ak u sepagno, i tugha id-yudfen gha ya Rif, dhi 1921. A menghi nnes a meqran qaa dhi wenni n Dhar u Barran dh a Nwar (Anoual). Dhi 27 May 1926 yeszuder (résigner) i thi zemmar n tha sehrest (colonisation). Essenni ndarnt gha tha yzaith n La Réunion, i gha yiwedh dhi Oktober 1926, zi essenni yuyar gha Marseille, maca a beddi nu gharabo dhi Port Said yejjith yettar a ghimi a politikan (asile). Dhi Misra yedhwer dha mghar n tha munit n wa slilli (léberation) n Maghreb a meqran dhi yowr wis 12 zi 1941.

Yemmuth Mohamed Abdelkrim Alkhattabi dhi 6 Februrar zi 1963, yetwander dhi thi medhrin n Chuhadae dhi Alabassia dhi Cairo.

Mohamed Abdelkrim Alkhattabi i ragha su zarug (indépendance) a ghelnaw (national) na Rif, dh wa ddes na republik tha mendhawt (Constitutionnel). Thi megga ya yemghan usint-id dhig ijen rweqt tugha ddula n Marrok wa ghas ca thi zemmar, s wettu nnes dhig fus n Fransa. Yegga Mohamed Abdlkrim Alkhattabi, dhi isem na republik na Rif i tugha yedjan aadh tmurudh, attas ni aeddiren zzaysen a sidhef n dimokratiya, min yesmaren illa netta tughath dh’ijen u tha raas ghas thusna themghar dhi politik.

Uca yegga Mohamed Abdelkrim Alkhattabi ijen imghimi (majlis, comité) dhayes i mgharn n thi qebbar thi Mazighen dhi u ghezdhis na Rif. Imghimi ya tugha qarn-as tha mesmunt tha ghelnawt (national), tughath dh parlaman na republik na Rif. Illa yura tha mendhawt (constitution) na Republik i tugha prinsip nnes a mezwaru dha yya n wa ydhudh, illa tugha wa temrussen (reconnaître) ura dh’ijen kontrata i yedjan mghar thi seqqa n tha mwarth qaa attas kontrata n hettu n 1912. Yani yettar i UN adh mrusnen (reconnaître) a republik na Rif.

A republik na Rif tugha xu zedjif nnes Mohamed Abdelkrim Alkhattabi, adu-a-mghar (vice-président) nnes Mhammed Alkahttabi, a neghlaf n barra Mohamed Azerqan, a neghlaf a gensu (intérieur) Alyazid ben Abdessalam, a neghlaf n tha damsa (économie) Abdessalam Alkhattabi, a neghlaf n gerra Abdessalam ben Alhaj Mohamed Albouayachi, a neghlaf n th’seqqa Ben Ali Boulahia, a neghlaf n alhbass Ahmed Akroud, sekritaria Abdelhadi Ben Mohamed, Tha senbert (cour, diwan) n journalistath Hanan Ben Abdelaziz, Abdelkader Alfasi, assafir dhi London Abdelkarim Ben Alhaj dh safir dhi Paris Hadou Ben Hammou.

Yetwaddes y’igen (armé) a rifi uca yetwabdha x specialitith. Illa yetwag u nesdabu a digan (autorité local). Bra ma anettu rqadhi a meqran dh th’imegga n mehkama yuaran.

A republik na Rif tugha ghas radh tmenyath nnes umi tugha qqan a Rifi. Uca thedhwer a Jdhair dh kapital na Rif. Umi yetwag rebni n w’adday (infrastructures) am cnaw i bridhen, transport, post, telecommunication, i gherbazen (écoles) dh tha ghellist (sécurité).

Illa thtehha a republic na Rif x th’ighawt (intiqam, vengeance) i tugha yedjan rexdenni, u thtehha th’uccefra n thi mettuthin (thi mgharin) dh wa dezs na rrameth (torture). Aawdh yessufegh ijen u sadhuf (loi) mghar i u hgar n w’udhayen.

I seqsiyen id yesrusan ixef nsen.

Mayemmi sifara tha Marrokt dhi Bonn (Aliman) dhi 1990 wa thugi a tukc informations i yi mazuthen i Limaniyen Rodbert Konz dh Rodolf Dieter Müller i thi mega n tha zzuth nsen dhi tha maawant n tha nufra u Liman i Sepagna huma a tessuya fabrikath n Gaz ig neqqen dhi Mritc (Melilla), dh thiyitha na Rif s bombath chimique dhi rweqt idhi tugha a war dhi Geneve mghar i rbombath a aadh yegwar.

Mayemmi wa jjin ca tha sadut (institut) n Mohamed Abdelkrim Alkhattabi, i yetwaggen dhig a zyen n 90, a tegg th’azzuth dhi thusna. Tha sadut a i tugha xu zedjif nnes Dr. Omar Alkhattabi thugi ddula tha Marrokt a dhasen thuc certificat umaken a sadhug ( Ouasl Alidaa Alqanouni).

Mayemmi ar i rexxu wa tagin ad seadhun reportajath x Mohamed Abdelkrim Alkhattabi dh thi megga nnes.

Illa mayemi Ddula tha Marrokt thugi ad yedhwer a nder n Mohamed Abdelkrim Alkhattabi gha tha mwarth nnes.

A safagh (réference)
Azzeddine Alkhattabi, Mohamed Abdelkrim Alkhattabi, Alqaid Alwatani, Tifraz 2003
Taib Boutabqalt, Abdelkrim Alkhattabi, Harb Arrif wa raey alaam alalami, Chiraa 1997
Mohamed Kharchich, Almouqaouama Arrifiya, Chiraa 1997
Mohamed Alqjiri, A ghmis n Tawiza

 

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.