Marra nessen u marra wa nettu ca min yemsan dhi tha ndint n Biyya (Hoceima) dhiw segwas n 2004 dh wa nhezzi n th’mwarth, i yejjin awarnas ca na gim (1000) i medhran dh ca na gim (1000) n i neyzam dh i meadhar dh i mehrac. A nhezzi n th’mwrath dhi Biyya wa ybed ca maca amenni theqqim ttenhezza ar nhara, s i dhan n i rifeyyen ig itmunen dhi thi'crithin (marches, masirat).

 

Zegwami yemsa min yemssan dhi Biyya dhi 24 zi u yowr wis sin (2, fevrier) 2004, i Rifeyyen wa bedden x wu sghuyyi x tha sgharth nsen dhi tha zeddight, dhig i bridhen u dhi marra min it'xissan th’udhath huma atiri, th'fawkt, a man n tissith, dh thi mzidhawin i th’ighri n tha rwa nsen u anid aadh ca neghni.

Dula tha Marrokect xu zedjjif nes a zedjjidh Mohamed wis seddis (VI) tugha thuca beddu n ijen program nigh n ijen plano yemghar iw aawedh n rebni n Biyya, maca semmuz i segwusa zegwami ait-Biyya trajan manayenni adh yetwag maca ra dh'ijen wa war zi yiwaren i thenna lhukuma n Marrok wa teggi. I wdhan dhi Biyya qayen aadh zedghen dhi thi qidhonin n plastik itek xasen marra min itekken x wa zro dhu car dhi barra n tesmedh, n wa nzar, nu semmidh dh wa dhfer, dhi rqan n 21 mani i wdhan dhi thi mura neghni urezzun x thzeddight dhi Mars, neccin dhi thmwath negh qanegh aadh n’urezzu x ijen wa xxam mani gha neffar i hamucen negh zi th’smedh. Ctha zi 60000 n i wdhan qa tmendan aadh dhi rexrawath dhi th'qidhonin ghar ad yekka cwayt u semmidh iri yessecmumsithent yessedhwithent.

Ait-mathnegh i Rifeyyen dhi tha ndint n Biyya qathen aadh teggen thi crithin i dhi tmunen s ruruf gwan daysent x i bridhen ig inejmen zi 2004 sghuyyun daysent x tha sghath nsen dhi th’udhath idh asen yuca a rebbi zzath i dula nigh i ca ijen nnidhen.

Tha mesmunt n Thamasint ig itbeddan x tha crithin a thina thegga ijen program dhayes aarahar kur simana s icten, u kur th'wara tmunend i wdhan s rurufath waxxa itek xasen wenza dhu semmidh dh th'smedh, u dula tha Marrokect amen xas nessen rebda wa thessin mghar attani raeskar, polisia dh i cekkamen dhi kur tha ghmath n tha ndint dh thi qebbar neghni marra id yundhen i Biyya, rebda qathen wejdhen s thi hrawin trajan mermi igha yazen i ghembab iy Rifeyyen -i wa yesghuyyen mghar x tha sgharth nsen- minzi twasenteth i dula wa zzayes xsen ca neghni, u nithni snen illa lhukuma tha Marrokect mermi i-then thekkes zi rehsabath nnes. Anini zegwami id udhfen i Aorobiyyen gha tha Mazgha zzayes gha a Rif negh.

Dhanita ghari ijen u seqsi, manis isekken marra tmenyath nni u aawen i yudfem ghaw Marrok huma adh aedhren min yadhren awarni wa nhezzi n 2004, ma thewrentid gha Suisse x yismawen n tarwa n lhukuma nigh? Th’ukkadha th’fuct teqqes!

Dhi yowr n 11 yeadhan ggin tha rwa na Rif dhi Biyya ijen th’icrit tettan dhayes dula akidhsen thsala awar idhasen thuca. Th’icrit a umi ggin isem "Th’icrit nu nnge 2004 tha mezruyt'' (massirat assumud 2004 attarixya), theffegh zi tha masint gha 9 n tuffut n simwas (jem3a) thegwa ghar lwilaya n jjiihet n Biyya tha wnant, 35km jarasend, am nessen rebda rmexzen a Aaorobi tugha din yewjedh s thi hrawin dh yitan n polisia, yeggasend ijen w’unnudh dhi 'zzawecht n sidhi yussef mani i ggin ijen u beddi arami dh a zyen n w’as, wadhasen jjin mghar adh sghuyyen adh saudjjan thi banduthin dh thi aedjjamin idhi urin min ghasen yedjjan dhigw xarres nsen, ura dh thi neghmasin (press) n barra wa tejjin attisi manayyeni huma ath izar u madhal marra, mghar rmexzen idhin, amcum zig Rifiyyen yennas u qeyyua nnes ca.

Ait-Biyya dh i Rifeyyen dhi Mazighen, lhukuma ig yedjan dha Marrok i dhi djan i „Istiqlaliyyen“ dhi zedjifen yemghan, wa twirin zzath nsen mghar adh arren i segwusa n 1958-59 dh min ggin rejdhudh nsen dhig Rifeyyen rami isdhuqzen ctha zi 9000 n yi wdhan s marra min tugha yedjjan dhi rweqt ni n resnah, maca yina n rexxu (Istiqlaleyyen) xsen adh gen manayenni i ait-a-Rif s ijn wa bridh neghni, nezmar axas nini „A bridh gha wa nder s hessect“.

 

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.