Zi min d-yessufegh rmexzen a Aorobi maynu, huma adh yeaajen x’wudhmawen ni Mazighen, dh th’imegga n ijen th’meghra n 1200 i segwusa nu mezruy n th’murth nnegh. Mara i Mazighen aqathen dhig segwass 2959, mammec ggin nithni ewdhen gha 1200 i segwusa? Uca ennanac musalaha ak th’Mazight. Ma su qemmum nigh? 20 zi yowr 12 n 2008 dhi Marrakech thetwaddes (organise) tha meghra i 1200 i segwusa u mezruy a Marrok.

A msagar a tugha dhayes i ghembab dhi meqranen zi rmexzen, maca radh i meghnas n IRCAM i yedjan zeama twaggen huma adh hdhan x idles a Mazigh dhiw Marrok.

I hudhriyen i Mazighen i tugha dyarren tha neghmist i manaya, munen dhi 60 ayedhsen zzath i tha warth n wa xam mani tugha tha meghra ya. Dhinni ggin ijen u beddi huma adh semren i rmexzen illa i Mazighen wa attin ca x min xu behter i dhasen i teg. Uca mammec nennum zi rmexzen a Aorobo yekkar ak i hudhriyen i rebzithen s wa aamudh, krad (3) zaysen zmen attas, ijen zaysen thetfidh gestapo n rmexzen. Bra ma a nettu i waren i dhini srin, zi th’byast swadday mammec qqan i hudhriyen a. Manayi dhi rweqt rami tugha mass Boukous a mghar n IRCAM i teccowr i ghezdhisa nnes s pastili ak yenni i tacan a mezruy i Mazighen.

Mass Boukous i yedjan dh’munika dhig fuss n ddula mammec nessen, yetwaadh gha th’meghra huma adh i signi thi medja nnes illa qa 1200 i segwusa, n th’isehras (colonisation) n wa Aaraben, officiel dha mezwruy nnegh. Waxxa nithni snen illa i Mazighen wath hesben ra netta ra IRCAM.

IRCAM i wenni wa tyessinen tugha thetwazem dhi 2004 zi Mohamed VI, huma ad thar i th’Mazight, ires dh idhles, a mcan i thesdhahedj. Maca i Mazighen dheghya fehmen illa tha sadut (institut) thetwag huma adh yetwasbed u nhezzi n idles a Mazigh i yemghan dhig segwusa ya i meggura am aemmas gha zzath. Min yessigwdhen rmexzen, uca egginagh IRCAM, huma a tescef a margha nnegh uca a nettu thi seqqa nnegh.

1200 i segwusa i thetwazem tha ndint n Fes, manaya mara urant dhig dellisen n thi mzidhawin, qa i henjairn i mezyanen wa ssinen ca. Maca huma adh heccen ra x wa ydhudh s ixef nnes qa naif attas. Minzi ijen zi ttaf adh yazu haca dhrus adh yessen illa Fes tugha thedja zzath ma dadhfen wa Aaraben. Bra ma a nettu ad nidha illa Fes qa wadji ca dha Marrok. Maca tha fraith nni i fassiyen i Aorobiyen i nennum rebda teajibasen adh semghan zi ixef nsen.

Rexxu dh rweqt a ydhudh a Mazigh adh yari version nnes u mezruy a Mazigh, wa netejji ca i Aorobiyen a xanegh iran. A mezruy a Mazigh dh wenni u Marrok ghas ktar zi 2959.

 

 

 

 

 

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.