Idles dhi kbaben (Symbole). I kbaben teggent i dles. Idlesan tbeddaren minzi i kbaben radh nithni tbeddaren. A bedder yezmar adh yiri automatik nigh yezmar adh yiri th’sghirath ca n ideologie nigh politik. Isem n Almaghrib radh netta itadef dhi manaya. Ddula tha Marrokt thenjeh a tar issem a officiel a warni 1956. Manaya minzi ijen th’fraith n politik thufa illa Almaghreb i tased kta ak u mezruy dh ixef n th’murth a –i yedjan mammec nessen dh tha Mazight-.

Rexxu yedhwer Almaghreb dh’issem officiel n tha murth a, yedhwer qaa dh’ughris (sacré). Waxxa amenni neccin a nezaem a neghza issem a zi radhas. Almaghreb qqarnt i u macn mani th’ghedji th’fuct. Maca mani mma dhi u madhal thghedji th’fect xu taram (ouest). Mayemmi wa ggin ca marra Almaghreb dh’issem nsen. Illa mara issem wadji ca dh neccin i thyeggin, uca qa nican. Issem a yetwag zi yinni gha yedja er ghezrath n wa Aaraben ghanegh, minzi nithni th’fuct nsen thghedji nican x ghezdhis i ghanegh yesmaren. Suyenni tugha a mezwaru traghanas i Afrika n’ennej, zi Egypt ar a Marrok, Almaghreb. Urighd i medya (exemples) ya huma a dhawem iban illa issem a n Almaghreb wa ghas a zedjif ura dh’idharn. Armi radh issem n ddula nnegh cgher n Matrikula i wa Aaraben huma adh snan mani-d yusa u taram (ouest).

A war n Almaghreb beadha tugha qqant yinni i tarin s tha Aarabt xmi xsen ad idhan Tamazgha zi Egypt ar Atlantik, i tugha dhasen itghir qa dh meggar u madhal. Ijen issem am Achaq Alaousat radh ijen ma yezmar adh yini nican zi manis ar manis a mcan dh man ddulath i dhayes yudhfen. Dagh (donc) Almaghreb dh’ijen issem yehhawer, wa theqqan ca i ijen u mcan waha zi Afrika n’ennej.

Min nessen illa aemmas ma tugha dhini dhi u mezruy ca n dula qarnas Almaghreb zzath i thenni nnegh nhara. Amen wadhin ca n idhles nigh ixef (identité) n Almaghreb. Maca qadhin illa ijen idles dh ijen ixef dha Mazigh id yisin cwayte zi idlesan nneghni waha –mammec teggen marra i ydhudhen u madhal- uca qa dh wenni dha ghembub n Marrok nhara.

Ntaf zzath iw Marrok, attas n ddulath nneghni n thi qebbar thi Mazighin. Am cnaw tha gellit n Masaysul, n Muritania, n Numidia dh dula n Boureghwata, tha Meknast, Ait Madrar, Ait Yefren, Timeghrawen, Ait ziri, Ait ziyan, Adarisa, Aghaliba, Rustumiya, Hafsiya, thi Mrabdhin, Thi Mwahdin, tha gellit n Fas, Merrakech, Nukur dh ddula tha Marinect, tha Seadect dha tha Alawect wa ntettu ca a Republik na Rif.

I Alawiyen tugha xmi tarin thi brathin tsinyin-thent s “Soultan Merrakech” wadji ca s “Soultan Almaghreb”. Jar wa ydhudh yetghima issem Almaghreb wa thyessin radh ijen, a rami yeffegh u Fransis dhu Sepagno uca yetwag yissem n Almaghreb officiel. Issem a wa yessin radh ijen u thyeggin nican, maca min nessen illa netta tugha theqqarith ijen tha fraith i fassiyen dh yenni tugha yetwasnen s “Alharaka Alwataniya” dhig zinan n qarn n 20.

Th’idhet theqqa illa ddula nnegh tugha dhi qarn n 18, 19 dh u zayen a meqran zi wenni n 20 qarnas Merrakech am cnaw tha ndint. I yedjan zayes id yeffegh issem n a Marrok, s Sepagnot Marrueccos, s th’granzect Morocco, s th’holandect dh th’limant Marokko, s tha Fransist Maroc nigh s Katalanect Marroc, etc. A Aarben wadji ca attas zegwami tugha traghan i ddula nnegh Marrakech. Aadh rexxu mara neaqeb gha i dellisen nsen n’rweqt nni ntaf dhayesen issem a. I xessa aawedh ad nidhar Iran dh Afghanistan i yedjan aadh qarnagh s Parzect Marrakech ar rexxu. Aawedh mayemmi gha nah negwej. I Dzayriyen nhara aadh qqan Almarrok nigh i Mazighen n Atlas i wag ha yewwidh ca u Aarreb nu ghir qa qqan as i tha murth nsen a Marrok.

Thezmar ddula dheghya a tessidhef issem n Almaghreb xu fus n Television, thi neghmasin, dh thi mzidhawin, zegwami tebdha taarrab dhayengh ak tha lettught n Istiqlal tha Aaorobect dh i meddukar nnes tugha yezzenzen ixef nsen i Fransa.

Rexdenni tugha i xarriqen n Dhahir “Al barbari” tugha aadh ddan. Rami tugha haca a war x tha Mazight i tawid i bab nnes a nder. Uca zi 1956 thezmar ddula ya at Aarreb ijen u zyen dha meqran i Mazighen. Amecnaw Azemmour, A Rif a taram nigh a ghezdhis n Barcan dh attas I mucan nneghni.

Min nezmar a nini rexxu illa ddula nnegh thenjeh dhi u Aarreb n issem nnegh. Armi yedhwer Almaghreb normal ass a. Maca ddulath u madhal wa ttun ca memmec dhanegh qqarn, nithni marra traghan-anegh a Marrok. Illa neccin wa nazzu bu a nazem thi ttawen nnegh waha. Ma th’idhet at yini ura dhu car nnegh, ixessa wi dhas gha yesren waha. Maca mermi gha nfarn i mejjan nnegh?

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.