Tha neghmist (jarida) n Rachid Nini qa yetwahkem xas s rmukt. A warni multa n 600 million i centimen izi themuktha Almasae. Awarni manaya s cwayte blokanas kontoth nnes dhi r banko. Mass Nini, i yedjan diplomé dhi Adab Aarabe, dh mmis n Souss (Agadir). Yetwabba x tha Mazight am marra i Mazighen. Min dhanegh yesmaren man-aya, dh thi megga nnes n yijen tha neghmist (jarida) dh tha Mazight –wi tugha it yennan– qarn-as “Awal”.

U smanaya i zi dha themmukc visa i zi rah gha Canaria huma adh i rah adh yehdha –ma zeama– dhi Congrès Mondial Amazigh. S visa i yisi xu aarur n th’Mazight i yezwa –kolar– Rachid Nini a man. Huma adh yeddar dha s tha nufra ca i segwusa dhi Sepagna.

Rami-d gha yedhwer Rachid Nini gha r Marrok yedhwer dh’ijen nneghni. Nzemmar a nini illa yettu tha Mazight nnes dhi ca n u mcan jar Malage dh Valencia. Th’edhwer th’mazight wa dhas ruh. Yefhem billi mara thexsedh a teccedh a Ghrum dhi r Marrok, i t-xessith a t-yadhedh a rudh i bahthiyen i aaorobiyen. Yefhem illa i xessith adh yettu kucci min yedjan xas ak th’Mazight. Uca yezzenz Mass Nnini th’Mazight, dh tha mesract tha mazight uca yezzenz a kidhes radh ixef nnes.

Rachid Nini i yedjan dha maynu dhi tha aaorobect, yebda i teccowr tha neghmist nnes s marra min yedjan ghas a wa Aaraben, radh min wa yedjan ghas a kidhsen yanyas gha u megga Aarabe uca i neddeh gha zzath. Armi thedhwer Almasae gha meggaru dha xam i marra mutaassibin zi meggar u madhal (monde).

Anid gha taassub nnes gha Aaorobiya i yedjan nican nigh i teg amenni waha huma adh yezzens a trapeau nni d yessufugh zi w’ass gha wenneghni, Rachid Nini yedhwer dha mezwar dhi thi neghmisin n r Marrok i yetceqqafen dhig Mazighen. Illa yegga ijen u raghi dhi Almasae i rmexzen yeqqarasen adh sbedden marra thi neghmisin thi mazighin illa adh rebzen yenni yazzun thi seqqa i Mazighen. Maca mani i t-ikehher qaa kta rami yenna indirekt illa Ahmed Adgherni ixessa w-ith gha yeneghen. Thenni tha yecnan qaa, bnadhem a i dhi yedja schizophrénie yegga ijen artikel qarnas (yurath ca ijen zi redaction nnes) Alcongrés alaalami alamazighi lil Maghrib Alaarabi

A nnifaq n Rachid Nini yessiwdhith gha min dhi yedja ammu. Waxxa neccin wa dhas nazzu adh yedhwer dha mehzuq mammec tughath, maca ra dha dhura gha th’Mazight wa dhast nazzu ca. Minzi rexdenni tafidh nessen illa yazzu adh yeg Visa waha. Netta tugha yazzu adh bellea marra thi meghmisin thi mazighin, rexxu qa suwr dhayes netta. Dh wanita rexxu themsaras am th’baghra rami th'ruћ ataeyyeb th’icri en tsekwwath thufa wa dhas thzemmar, armi i tedhwer gha thi cri nnes th'ufa th'weddaras uca th'eqqim th'nettu waha.

 

 

 

 

 

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.