tha Mesmunt tha meghrabect y ћettu n tha Σraft thazzu a t‘aari ijen th‘brat y u zedjidh Mohamed VI, ћuma adh yekkes min umi eqqan nithni a ћgar n i res a Σrab, dhi th‘udhath tha Meghrabect. Zi g ghezdhis n th‘mezra a mazigh it tbanad mi teggen dh nin azzun yina dh ijen th‘mesract tawid tha dheћћct dh i mettawen dhi th‘icti dh ict. Am cnaw wenni yethin a medduker nes, ibdha yettru illa yizwar as iraћ yedεa th.

Maca neccin min n‘arezzu a nessen dh mani arezzun yina adh awdhen? yak tha Σraft dh i res natinal n u Marok y g yidhan dhi konstitution tha meghrabect, yak nettath y zi qqan i meћdhan dhi gherbaz n th‘mzedjit (royaume) tha meghrabect, yak marra plakath, i smawen n znaqi dh i bridhen zayes y uran, yak ra εraћar marra i mazighen dhuren ghasen a smawen dh a Σraben, yak mani ma yedja ca n u raq umi eqqan Ait can n er ћjeth yedhwer eqqanas Beni. I neghmisen dhi a radhyawath dh televisionath ra nithni s tha Σraft, mara nekkes a yenni n 5 min id teggen s th‘mazigh, tha fransist nigh tha sepanyut. Marra cahadath y teggent institionath thi Meghrabiyin urant es tha Σraft, zi cahada n u xraq ar thenni n er muqt dh marra min dhinni jar asent.

Iwa min azzun yina? azzun ra dh i xarrissen y ntegg dhig zedjifen negh adh irin s tha Σraft? azzun anegh a n‘siwer i res nssen ak yemmath negh dh babath negh, ak tha rwa negh, ak ћennath negh dh jeddith negh? Illa wa dhanegh ћemmren an siwer th‘mazight wa yedji bu dh‘amaynu, maca min yedjan dh‘a maynu dhi man aya illa wa dji bu azzun anegh wa nessiwer bu ires negh waha, ella azzun anegh wa nessiwir ura dh ijen ires enneghni bra tha Σraft. I Mazighen ixessa then wa siwiren ra tha Spanyut, th Fransist nigh the Granzect, ixessa then adh siwren tha Σraft waha.

Maca neccin nessen mani yiwwedh niveau n th‘Ghuri dhi er Maghrib zeggami y yetwaεarreb. Marok yedwer dh‘ maggaru jar marra thi mura u madhar. A Σraben simant nessen senen man aya uca eqqan ac „Idha εurribat xurribat“ mara th‘twaεarreb th‘twadher. Uca ixessa i Mazighen a beεdha yinni y faqen zayssen adh snen mammec gh eggen adh thi wura n imar i tha rwa nssen, s th‘ ghuri n irsawe yeddan u Madhar am tha Granzect, tha Fransist edh tha Sepanyut bra ma adh ettun asen sremdhen i res nsen th‘Mazight.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.