Dalai Lama, a mγar y buđiyen n Tibet, yenna đi a war nes y yegga, a wani min yemsarn đi ţa muath nes y yedjan sadu a yya n China, illa i Chinwiyen teggen đi Tibet ijen u nghi nw a ydhudh dh a dhelsan, minzi yina azzun adh beddren a đles n Tibet s wenni n i Chinwiyen n Han (Mandarin), uca esezđaγen i Chinwiyen đi Tibet ħuma ađ beddren er kateţ ţa eţnografect n Tibet. am mammec teggen systimath n Africa n ennej y i Maziγen.

wenni zaywen y yedhfan ţa mesract tha Mazight đi Afrika n ennej adh yaf parallellath attas ak ţ‘mesract n Tibet. Min tegg China đi Tibet teggent systemath i Σurubiyen y ig tayyan đi ţ‘mura n ţ‘Mazγa zi rebda. A bedder n a đles a Mazigh s wenni a Σrab wadji bu a ass a y komansa, a Σarreby mazighen yewwedh ijen ţ‘bađut mani wa yzemma ra đ ijjen aţ yar γa đeffar.

I tibetiyen t‘amne zi Din a buđi, y xassen y ħarrmen ađ sxeđmen a jehđ, ħuma ađ awđen γa ţa zzuţ nssen, maca waxxa amenni uħren zi min đassen tegg China, y yedjan ijten zi ţ‘Mura ţi meqranin u mađal s ijen zi i iggan i meqranen n dunect, uca ekkan efγen γa i briđen n ţ‘neddam đ er kampawaţ, ħuma ađ bedden đi g uđem y Chinwiyen.

I Maziγen ra niţni uħren, maca uħren zi er xeđmeţ, ħuma ađ bedden x ţ‘sγaţ nssen dhi g iđles, i res đ min ţessađaf ţ‘muaţ nssen. I Maziγen safi xssen ađ đuren đ‘a Σraben, mammec y azzun systemaţ y xasen y tayyan. Ktar εađ attas zi g maziγen resqn đi ţa Σraft ktar zi g Σraben simant nssen, yina y yedjan zi mermi sremmađen illa ţa fransist đ ţ‘granzect y ţa rwan nessen.

---

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.