Wenni gha y zhan planuath i maynuthen y tha ndint n Nador, wa y ttiqi thi ttawin ness. Courniche n Nador adh yedhwer yecnaa attas, er muyyi i gharuuba adh yedhwer modern, a bridh n Mohamed V adh yeεdhae adh yedhwer am i bridhen n mric, dhi Poblaw adh eggen parki dh‘aziza i mghar. tha ddarth i ħudhriyen dhi Ait Mimounn at εdher, adhayes yiri furbu n th‘camma, tha wwath n th‘ndint at εedhren, i bridhen adh seggmen.

 

 

Maca min yemsan? manis id ekkin thin naεacin a dhig ijn u mauar izi yazzu er mkzen adh yeεdher Nador? attas n yenni y‘ ħdhan thi megga n a Rif edh Nador eqqan qa er Mkhzen i bdha itaggedh zig mussu a Mazigh dhi a Rif, y tettan Autonomiya y ui ghezdhis a n Maroc, uca yazzu ad yeserha i Mezdhagh n th‘ndint n Nador s i bridhen i maynuthe, Courniche i zewweq s nuwac. Maca a mezruy εadh a dhanegh yescen ma i Rifiyen adh erhan y th‘qedhqudhin a y dhasen y‘uca er Mxzen, y yeddafan politika n th qedudhin dh er Mecεedh.

neccin tha rwa n Nador ycur anegh u mussu ya a maynu dhi Nador s th‘mendit, maca ntettar zig meghnas u musu a Mazigh dhi Nador dh a Rif am i mun wa tebddin ca dhi rwest n u bridh, menzi qa thi gherwasin nwen qa bdhan kessint fruta, uca sighim dhig bridh nwem, qa εadh atawdhem gha min thazzum y tha muath nwem n th‘mghar. I xessa kenniw a tessnem εawdhem illa er Mxzen wa xawem bu ytseddiq, thi nεacin enni y zi εeddren Nador dh‘a zyen a mezian zi min y yarru kur a segguas zi th‘ndint n Nador dh u ghezdhis n a Rif amen imun.

Dhi a 2004 waha yarwent er banqath n Nador 14 Meliard DH, kthar zi Casa mani yallah smunend 9 Melliard DH, Waxxa Casa dhayes 80% n industrie n Maroc Nador wa dhayes walu! Nador aqaat oficial tha ndint wiss thnayen dhi Maroc dhi economia ennes. maca waxxa amenni thi nεacin ig twayarrwen dhi Nador traħent gh thi neddam th εrabophoniyin n Maroc am cnaw Casa, Rabat... uca tghiman i mezdhagh n Nador dh a Rif imunn wa ghasen ura dh infrastructure minimal yedjan gha thi neddam enneghni n Maroc. Rexxu mara er Mxzen y kess a ħgar enni y tugha yegga y u ghezdhissa n Maroc qa neccin wa nzemma illa aneni qa man aya it awyaneghd attas n th medit, maca mara dj a sinu u nebdhu waha, minzi negguadh neccin, qa i meghnas u musu a mazigh dhi a Rif aqqan εadhbedden adh mεuccben s marra min ghassen edh thi zemmar ħuma a Rif adh yekssin min yesdhahedj. Maca mara neghzar min y tmsain rexxu dhi thi neddam tha εrabin n Maroc a nzar dheghya illa qa tħeccen xaneghh waha, dhi rweqt umii dhi Casa teggen thi neddam dh thi maynuthin am thinni dhi Europa, dhi a Rbat teggen Metro illa εeddren er west n tha ndit adh yedhwer am thi neddam n spanya nigh franssa, nccin teggen anegh a bεa n t lossathin dhig bridh n Mohamed V, uca neksid a djun a necdheħ. Iwa geεgeε a zubida!

 

 

Er Muyyi edh Playa en Nador i Maynuthen gha Courniche

 

Parki a maynu dhi Publaw

 

 

  Casa, tha ndint tha maynut n Lakhiaita (ha min y temssain mani enneghni)

 

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.