Dhi er weqt umi ntaf attas i Mazighen y yeddan dhi tha Mezgha wa texssen bu tha rwa nssen adh mercen a Σraben, min wa yedjin bu zi a rassim, maca zit hi gdhi x a idhles nssen, minzi marra a mazigh y mercen a Σrab nigh tha Σrabt, eddaqqaren tha rwa nes dhi ghabiyen. A Σraben wa qebbren tha rwa nssen adh siwren th’Mazight, mani εadh adh ardhan nithni adh remdhen th'Mazight bac adh msefhamen ak i dhuran nssen.

 

 

Mghar y manaya ntaf i Mazighen n Europa, y yettun min x assen nigh x familiyath nssen yekkin dh tha mara ak i Ghabiyen, dheghya ticcen yessith sen y a Σraben, ktar εadh mara yina zi yinni yekkaren dhi th’mzidhawin, zig Meħdhan I ghabiyen y yessnen ra nithni mammec gha eggen adh eccen a mergigh y i bujadhiyen n i Mazighen, uni yetghir marra wenni it raħen gha th’mzidha it raħ adh yezzadj. Yina wa essinen illa attas zi yinni y dhinni yetraħen azzun adh dehbban x er cwaghedh n Europa waha.

Minzi tarigh man aya minzi nec simant inu tugh esnegh ijjen zi Darmstadt, dhig Liman tugh yekkar dhi th’mzidha ak i Mazighen, yetraja mermi ca n ijjen zayssen adas yuc xedjis, man aya wadji bu dh a mxuber, maca fran a umi gha yaf walu wa dhyes tid yewwi ra dh ijjen, indar kippaxi, iħeff a εecmair enni, I bdha it duera x biran dh dikotikath, yeccath bierra, ar umi ijen ass merqigh akiss fuss dheg fuss ak ijen th’limant, sedjmegh xas uca εdhugh. Ennigh ak u zedjif inu “Subhan mughayyir Al ahwal”.

Maca thenni tha meqrant qaε xmi familiyath n th’ħenjirin thi rifiyin teggent y yessi thsent a ghir a dhawyent ca u gharbi, gha nec waha esnegh attas umi yemsar man aya. Ichten zi thina themsar dhi hamdurg, mani iju Mazigh zi Ouarzazate yegga a Gir x yedjis, y gha djan 17 i seggussa, a tawi ijen er imam n tha Mzidha yujar it zi ktar s double, wanita wa iεettar ca uca smunent polisia u liman uzren xas gha misra, minzi tugha tehment s terror, uca mammec yexdher gha misra yazu tha mghath enneghni imercit uca theqqim tha Mazight enni weħdhes ak a mis a mezian, thanita umi dhas thgeεεedh misariya ya gha u zedjif thutha kurci dhi ziro, thendar funara enni y tugha tegg, thawer zit ha ddath n babas, gha thenni n dula.

Thanita dh icten zi attas n th’ħenjirin umi yemssar man aya, neccin i rifiyen ghanegh attas zayssent y yawren y familiyath nsent zi man aya, uca tettagh zi sidabbi adh assent yissi tha sghath nssent zi familiyath nssent y xasent y εeddan qaε ammu, y dhasent yarzin a imar nsent dh th’udhath nsent.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.