Dhig dhurar n a Rif y dhi bdhant thi εemmirin n iggen u lellal a marrok, awani ijen u sujedh s th’nufra dh u sekkar n a ydhudh wag has bu u mthir. Man aya yekka send y i fransissen zi ghezdhis umi tugh wa eggin er ħsab, ar umi dheghia eqqnen man ayenni ak min yemssan dhig zennayen ak u meεyar n A Rif jar Mohend n Abdelkrim Alkhettabi dh iggen a seoanio dhu fransis dig seggussan n 20.

 

 

 

 

Mara i mjahdhen eggin min xassen uca dhuren gha th’udhrin dh thi εrissin nsen, bra ma adhasen d yarr ra dh ijjen er xbar dhi Marrok n awani thi relli, aqa dhinni attas n aith i xarriqen y g tarran ixf nssen dhi mjahden nehra ma adheagdhen nigh adh sedhħan zig mezruy y yedjan athen yefdheħ ma ass a ma thi wecca.

Dhi Artikl a nazzu anessiwer x min yemsan dhi th’idhet dhi er weqt enni umi twaggen i pilan i mezwura y iggen u irellal a marrok.

Thi megga n iggen n i dhudh y u rellal n tha mazgha – umi qqan rexxu „Al Maghrib al kabir“ – tεaqqab gha lajna u rellal n tha mazgha, y yegga Mohend n Abdelkrim dhi er Qahira Yennar n 1948 s u crac n lettughin n tha mazgha. Er mithaq n themegga tugha ghas sebεa n th neqqidhin, thennii wiss thratha tragha gha u sufegh n u rumi zi th’mura n th’mezgha. Wiss xemsa dh setta traghant gha th kessith ħadhur zi negosiationath zath y th’kessith n th’irelli. Tha neqqit tha meggarut theqqar qa mara icten zi the mura ya thissi thi relli ennes ixessit wa thebeddi ca a meεyar ak u rumi arg ha issent marra thi mura n tha mezgha th’ irelli nsent.

Zi th frect a n th’megga, yebdha Mohend n Abdelkrim adh issujedh y th’macinin n iggen a ħuma adh yedhreq i u meεyar dhi er weqt y gha yirin y xess netta. A εeqqay a mezwaru n iggen a tughat dh i mexssan I marrakk dhi garra n filistin dhig segguas n 1948, i marrak I yeggin a meεyar ak u ghezdhis n fransa dhig meεyar n Indochina, i meħdhan imarrak dhi th’mura n aεraben edh er ħujjaj i marrak. Mohend n Abdelkrim tugha isseqneε i εiraqiyen dh i suriyen ħuma adh qebren i meħdhan i meghrabiyen a ghassend assen adh ghan dhig gerbaz nssent y’uεran n iggen, dhi er weqt umi tugha misra th’azem er muεsker n „Hakstib“ y u darreb n i mjahdhen n tha mezgha (Maroc, Dzaya, Tunes).

Dhi er weqt umi El Khettabi tugha y tegg er xutta y zi gha yebdha iggen a thi εemmirin ennes dhi tha mezgha, tugh thi lettughin thi marrak bdhant eccathent as dhi u εruar, thina tugha twaranth yedhwer dh a mezruy illa mammec ig tegg ak urumiyen way yeqqim bi yecna awani u mεyar a madhlan wiss thnayen. I mghan n th’luttughin n Marrok anyen dhayssen εadh tugh tarran dh terrorista illa a brigh ennes mghar y a yya y rumiyen dhi tha mezgha, yeεdha xas er ħar.

Zi manaya i yebdha iggen u rellal a meεyar ness mghar y rumiyen dhi a Rif a segguass n 1955, bra a crac n thi lettughin n Marrok , waxxa thina umi gha feghen i rumiyen bdhant tarrant ixf nessent nethenti y bedden awani iggen a. Ma a Mezruy wa ytettu rad h ijjen. Minzi simana a wani beddu n th 3emmar n i mjahdhen i rifiyen yenna Mohamed El Yazidi zi “Hizb Al Istiqlal” qa tha lettught ennes wag has ras u fuss ras u dhar dhi min y temsain dhi a Rif. Waxxa a mhjar n th’lettught tugha yazzu adh yezzu th’ghira y u madhan qa nethni y yesseguan iggen u rellal. Dhig bridh beεdha yenna Mohamed Senhaji y tugha y safan ak Allal Al Fassi gha a Rif qa dhi tha ndint n Al-Qassr ussind ca y i wdhan gha El-Fassi ucin as chikath n er banka tugh tghirayi y i mjahdhen dhi a Rif, uca tugha trajigh a bridh am ikmer akidhi issiwer Allal Al Fassi x i mjahdhen n a Rif dh u meεyar nessen ak u rumi, adh i seqssa macħar y yudhan nigh y yezmen, y jjigh awan ayi dhi nador nigh yinni ig bedden maghr i u seppanui dh u fransis dhig dhurar n a Rif, maca mass a mghar wa yexsair ura dh ijen a war, axmi man aya marra wa dhas ed yussi dhi ca (Mudhakkirat Senhaji, p. 203-204).

Hizb Al istiqlal tugha wag has walu ak iggen u rellal, maca bdhan azzun axas ayyen s u nghi n I mghan ennes am cnaw Abbas Msaadi dh Haddou Aqchich, yina y tugha djan dhi contakt ak Abdelkrim. Illa bdhan tbeddan maghar y i mjahdhen umi y tugha then tarran dh terroristath. Uca gha u meggar bdhan adh seffan marra I meghnas n iggen a amen i mun, uca uwdhen gha min tugha azzun:

 

• Iggen y rumiyen wa yeffigh ca zi er Marrok, waxxa yessi thi relli tha politikant
• A sbeddi u rellal n marra thi mura n Marrok
• Thi menghiwin thi siyasanin y a wadh gha tha yya
• Tha meqchit u fuss dhi tha nukra tha dzayrect armi y xas theqdha fransa.

 

 

 

 Kippaxi i rifiyen dhig meεyar maghar i seppunya

 

 

Tha miliciat ni Rifiyen am ccathen s karabilath

 

I sepogna s mask i xasen gha yerqan zi er gaz i dherqen dhi a Rif

 

 

Video n ijen u tharras it εawadh x gerra

 

 

Iggen u irellal: Armee de liberation

 

 

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.