Zath ma adh yemmeth Babas n Abdkrim Al Khattabi, ismuned xas tha rwa nnes dh i mrussan nnes uca yennasen: "Mara wa thzemmam a teћdham xa Rif qa fghemt". Min yeqqimen qa dha mezruy. Yenna Robert Fourno: "Mri Abdkrim dha hamaji ur nnes yeqseћ waha tiri yabeћ gerra, rexdenni tiri a madhal am i mun yuthas tha carrift i wa ryaz a meqran. Maca netta yegga gerra dh tha mezdhagt mara neghza gha Sepagna dh Fransa".

  

Umi thsala gerra dhi a Rif, yessek general a Fransis Steeg ijen telegram i barek dhayes sultan Youssef. Wanita yarra xas yennas [1] : "Telegram nwem yeccuwrayi s tha mendit (joie), minzi neccin netwara dhi tha mesract a a sali n tha gherwast (sacrifice) i ggint Fransa dh Maroc ћuma ad arrent tha alwit (paix)".

Arami yebdha a msawadh dhi Paris jar Fransa dh Sepagna ћuma adh ghzan min gha ggen ak a Rif dh familiya Al Khattabi tugha dhin ura dh sultan Youssef, wanita tughath dhi Paris dhi Tha lemmiszt (occasion) n er εidh n tha mwarth n Fransa dhi 14. Yulyuz.

A wani macca yekkar sultan Youssef ћuma adh yar xu mghar na republik uca yennas [2] : "Qa dh’ijen ћajet dh tha meqrant a εradh a i dhayi thegga Fransa, awarni a rbeћ a meqran i yegga iggen (armée) n Fransa dh wenni nnegh, qedhεen a bridh x tha nekra (révolte) n thi qbirin na Rif. Uca arrent-id tha alwit (paix) i empire tha crift … a dhawen nini s refraћeth illa Fransa thegga dhaynegh ijen er xair dha meqran, s ћettu nni thegga x Maroc … Neccin εemmas a nettu mcћar dh thi gherwasin (sacrifices) i thegga Fransa xanegh neccin … Ssitimegh ghawem mass a mghar marra min yecnan, adh siryegh er kass inu i themghar n Fransa"

Ammu i mbudduren yenni yabћen i waren, dhi er weqt i tugha a zbu (résistance) dhi Atlas dhi th’iyya nnes.



1. Abdkrim a zedjidh na Rif s.203

2. L'Afrique Française, Année 36, N. 6, juin 1926

3. L'Afrique Française, Année 36, n. 7, juin 1926

 

 

Hekwu n iggen a Sepagno 8.9.1925 dhi Hoceima

 

Hekwu n iggen a Sepagno zi i gharruba 8.9.1925 dhi Hoceima 

 

 

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.