Dhi Jemεa n 18.01.2008 yemmuth ijen nu ћudhri dha Rifi zi Zaio (Nador) qarnas Saleh L. ghas 17 i segwusa xu fuss n ijen Aliman, dhi Cologne, s ijen thi cti n er Muss gha ur. Umas Abdullah i gha yedja 22 i segwusa wa yazzu adh yessiri deεweth ra x ijen, netta yazzu adh yessen mayemmi umas arrint netta i yedjan tugha yazzu adh i εedda x Aliman nni, waxxa wenni tugha ghas er muss i kessith a kidhes.

 

 

 

Yemmas dh babas u ћudhri a tirin zi 1962 dhi Aliman. Xemsa n tha rwa nssen i ghassen (Thratha n i ћenjain dh thanayen n thi ћenjirin ) xerqen marra dhi Cologne (Köln). Rami polisiya n tha ndint a sseqsan umas n Saleh mammec i tugha ixezza umas gha ixef nnes ma dh’Aliman nigh dh a Marroc yennasen: "Ra tha ra tha, tughath dha ћenjair n Köln waha". I meddukar nu meћdhar a yetwanghen naqmen (kritizan) Polisiya, er meћkama dh i ghmissen (journaux), uca yenna wenni i xassen yessawaren: "Xmi dhi Munich ca n Aliman uthint er barrani, tarin xas i ghmissen marra, arami teggent ca n thi lettughin (Parti) ra dhi programm nssen a politikan. Maca umi dhi Köln ijen u Marroc yetwanegh zi ijen Aliman, thesbedda polisiya l’anquette uca ra dh’ijen ma yarrad re xba". Abdullah L. yani yenna: "Nec wa zzugh adh naqmegh ra dh’ijen, nec ssnegh illa mammec theqqa polisiya wa yedji ca amenni i themsar".

Muћami n dula Alf Willwacher iεawedh yenna: "Rexxu kucci min nufa yeqqar illa wenni yenghin qa yeћdha x ixef nnes waha, maca qa l’anquette qa εadh wa thbed ca". Min gha thewwedh Meћkama ammu ufint rami seqsan ijen, wad yeqqin ra gha Saleh L. ra gha Aliman nni, yezra min yemssan. Anid ghas illa i dhbiben i yesseεdhun x wenni i yenghin, ijen a ћudhri n 20 i segwasa, ufin dhayess ratha n thi yitha, illa ufin nwadha nnes arzen dhi wa mcan mani themsa er mekwt.

Maca min yessawaren mgha i manaya dh min qqan i wdhan i yessnan Saleh L. zi familiya, i meddukar dh jiran. Yina marra nnan illa snennt tranquille, yesbeћ, εemmas wa id yejbidh sdheε ak ca n ijen. Anid illa dossier nnes gha polisiya yexwa. Abdullah L. yeqqim dhayes er ћar rami arrin umas dh kriminel.

Arami radh Klaus Thomas direktor en tha mzidha i dhi tugha yeqqa Saleh, yenna sneghth: "Rebda tha dheћћact x a qemmum nnes, εemmas ma zirighth itmargha". I meddukar nnes dhi tha mzidha marra wa uminen ca min yemsan. Dhi nha n jemεa id yegwan a dhas ggen sedqeth a zayes-th εezzan.

Qunsu general n er Maroc Ahmed Mesgidd yussed gha Polisiya yezra min ggin uca yesemrassen illa qa yayeћ i min gha thewwedh l’anquette nssen. I meddukar n er Maћum munen (ca n 300 idhssen) marra dhi wa bridh a meqran dhi Kalk. Bedden ak Familiya nnes.

Nadorama tεezza fimiliya u ћudhri ya, a dhas yuc abbi sba. „Inna lillah wa inna ilayhi rajiεoun“.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.