A mghar en tha lettught tha libaralect tha Meghrabect Mohamed Ziane, itugha yedjan edh a naqib en I bughawen en er Maghrib, y’enna dhi journal en “Al Ussbuε”, qa re qyudh adh izwan y er Maghrib adh towan, mara emmeqcen y i Mazighen thi seqqa y xef sghuyyun. Journal en “Al Usbuε” y y’edjab bab ennes Mustapha Al-Alaoui ra netta zi a rassistath i εurubeyyen y’emghan.

 

 

 

 

A mezwaru dhi Alemania umi y ettfen i naziyen a yya, es Adolf Hitler gha u zedjif enssen, wa bdhin ca dheghya dheghya adh eggen thi yezzarin y i mezdhagh en th’muth a i Udhayen, bdhan gha u mezwar esw a war waha uca tugha t’cebbahen i Udhayen ak i ghardhayen ak re qrudhath ak marra min dhassen ittan dhi th’wengint y xarrisen εeffanen. Umi gha essidhfen man aya y a zyen a meqren zig a ydhudh a liman xenni εadh y bdhan yarrwen i Udhayen armi dhyssen eggin min nessen marra.

Man aya ixessa marra i mazighen a ghassen y’eri dhig zedjif, ass qa εadh i demagogeyen am cnaw Mohamed Ziane edh Mustapha Al_Alaoui t’εemman y i wdhan a zedjif es i xarrissen enssen y’ussodhen waha, maca qa thi wecca th’egguad, mermi ca en a mmis en er ħay dhi Casa adh y’eqqedh thi messi dhi th ħanut u Soussi a mezwaru! Zi essnni a tzam ginoside y gha y’emssan dhig Mazighen edh thi gezzarin y dhayssen gha y’etwaggen mani ma djan dhi thi neddam thi meqranin en er Maghrib.

Rexxu er wizara en daxer th’azzu at qdheε tha lettught tha demokratect tha mazight, minzi mammec y’eqqar Chakib Ben Moussa, qa tha lettught a edh tha rassisst, waxxa a mghar ennes Ahmed Dgherni εemmas wa yenni ca enw a war x a εraben a mecnaw wanita y y’enna Mohamed Ziane zit ha sghathh y mazighen mani ma djan. Zi manaya en tettar neccin zi Chakib Ben Moussa mara nica yazzu wa tirint but hi lettughin thi εunsureyin dhi er Maghrib adh y’edεa tha lettught tha liberalect edh a mghar ennes x min y’eqqar ammu. Ktar εadh umi maci wa edh a muar a mezwaru y gha y’eni mass Ziane ca en i waren am cnaw yina, tugha y’izwar as y’enna dhi programm en “Tayyarat” dhi 2M qa netta i ticc er εahedh y sidabbi ħuma εemmas a texreq tha Mazight dhi dustur, minzi – mammec y’enna netta – i Mazighen wa esdhahedjen ma aya.

Lounes Ametlas a meghnas a Mazigh y’enna qa Mohamed Ziane twarent, marra i meghnas en u mussu a mezghan en thi seqqar, edh ijen a rassista dh’a meqran attas illa edh re εdhu a mezwaru en tha mesract tha mazight dhi er Maghrib, min wad y’ussin qaε ak ijen tha lettught ig t’arran ixf ennes edh tha liberalect. Mass Ametlass y’ettar zig mazighen adh qatεen tha lettught tha liberlect edh marra thi lettughin y yet xarrasen am cnaw nettath.

Maca nec min dhayi y’eqssen attas dhig ur, umi I mazighen ennegh t’effghen adh sghuyyen umi Juan Carlos y’ussedh gha Mritc edh Sebta, nigh ex ca en er ħwayej enneghni wa sdhihedjent qaε, Maca exw a waren am cnaw yina ethen y tarran qefren ktar zi reqyudh wa t’eggen walu. Mri edh can u dhay, a franssis nigh a merikan y yennan qa a εraben am reqyuadh a tiri i bridhen en Nador, Al-Hoceima, Barkan, Zaio, Tanja, thi Tawin, i mezghan (Rachidia), a Mekness, Marrakech tenhezzan es i wdhan igha y’esghuyyen x “a trem a a meqran” maca umi ijen u εurubi edh a rassist y’enna man aya edh i mazighen y y’edjan ktar zi 80% en a ydhudh a meghrabi wa t’essridh walu. Uca Ammu gha neqqim neccin i Mazighen maru y’utha u nzar dhi Felestin nigh dhi er εiraq nkessi neccin re mdhedj gha barra.

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.