Moustapha Achaabi qa it egg ijen Film, i y’edjan dha mezwaru dhi a Rif, es Rifect. Film a it ennedh Mass Achaabi qarnas “Izri en tha mowrth” dh’ijen drama edh tha mezdayt (drame social) y’arezzu adh y’aff tha maqqant anthologik (relation anthologique) edh a fra ughris (sentiment sacré) i t’eqnen bnadhem ak tha mowrth ennes.  Drama ya etsowwar a tharras a Rifi dhi attas i mucan en thu dath ennes.

 

[Version audio en artikel a qa th'egwad]

 

 

Illa th’escand a bedder i y’emsan i wa ydhudh a Rifi rami y’edhwer it eddar dhi tha ndint, mammec i weddan attas en yi zlan (valeurs) zi i dles ennes ћuma adh y'egg a mcan i tmenyath waxxa a rraz (prix) edh tha Mazight.

Film a it εawadh tha ћajit en ijen u ћudhri dha yujir zi a Rif, y’ejjazd babas ijen th’ukkest (héritage) dhayes attas thi mura, min y’ejjin εzizes y’endar thi ttawin dhi tha sghath i dhazd y’ejja babas i mmis. Uca y’eqqim i kessi marra min t’arrant thi mura enni, zeεma qa netta i ћettathent i mmis umas ar gha y’emghar. Rami gha y’emaghar u ћenjair enni y’esmun i ћeryas ennes uca i εemmedh gha tha ndint, mani y’ufa ijen u mdhal enneghni y’eccowr es fawin edh a sdheε.

Maca a wisseg en than dint dheghya y’ekcef dhi thi ttawin u ћudhri ya, ja kta εadh minzi wenni gha i xeddem i tarra xas er ћar rami eth y’ufa edh a niyyeth waha. A xarres a rami y’uћer uca y’ufa illa slak ennes a qath dhi tha Zarin (Tazarin) waha, a bridh a ith gha y’endar dhi dhrust en thi seεεathin dhig ghir en Ibiria.

Scenario edh i waren y’urathen Jamal Abernous, tha ћajit en Film y’urat Moustapha Achaabi, i mseggan (acteurs) adh erin zi y’enni id etgeεεadhen zi theatrath na Rif.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.