Ijenth munit i massan i xedmen dhi UNESCO mammec i kemren tha zrawt (Etude) dhi thu dhath en yi rsan i y’edjan dhi wa mdhal (Monde). Tha zrawt a th’ufa illa azyen zi 7000 en yi rsawen en wa mdhal wa tghimint zi ssa ar a meggar n’er qan 21. Min i snexraεen qaε kta kur thnayen en simanath ijen yi res zeg ina i t'metta. Tugha dha 1987 arami UNESCO th’ebdha ijen programme international.

 

 

Programme a i gha y’edja y’iswi (But) en thafit edh ћetdu en yi rsawen i y’edjan gwarn adh twattun.

Tha zzuth i y’etwaggen dhi tha zrwat en UNISCO i bedden ex tha zzuth dhi wa mcan (Enquête sur le terrain) dhu sladh (Analyse) en thi mukwca (Données), th’ufa illa sennej i wa zyen en yi rsawen wa twarin ca minzi aqathent xe th’ma nu weddar edh wa twattu. I rssawen a i y’ejan mara weddan wa ed t’ejjin ra a mawal (Dictionnaire) ra i dellissen ra edh ca en ћajeth th’esmuna i dles (Culture) edh thi messna en aith bab ennes.

Tha Mazight dh’ijen zig i rsawen i th’settef (Classifier) UNESCO jar i rsawen a i y'edjan xu bridh n'er mukt. Tha zrawt ensen th’ufa illa tha Mazight edh marra i rssawen ennes dhi Afrika n’ennej aqathen dhi ijen er weqt th’eqseћ, wa dhassen y’eqqim walu ћuma adh weddant mara i wdhann ennes wa ggin walu. Waxxa tha Mazight ssawarent i milonen en yi wdhan, it ghima u sexdhem ennes edh bettu nnes zi wa mcan gha wenneghni dhrust mara kka nexza gha mecћa it y’essawaren. Manaya minzi Systemath Pan-Arabe en Afrika n’ennej wa t’ejjin ca i res en tha Mazight adh y’edhreq a friwen ennes dheg jenna en tha Mazgha, t’ejjan tha Mazight dhi thi ddura en yi wdhan waha, ammu dakwar cwayte-cwayte wa ghas bu wa mcan dhi thu dath social en yi wdhan ar id gha th’ufu ca en w’ass wa th’edji.

 

Es manaya minzi tha Mazight rexxu traћ et wedda, ghzam ћaca gha a yethmathwem i mezyanen nigh dhi tha rwa nwem ћuma a t’essnem illa i settain a wa esxarriqen ca. Tha Mazight th’edhwer am u reqquz i y’enzerqen dhi th’mijja i systemath en Afrika n’ennej wa t’ehnin ћuma es gheryent nigh ndant gha barra.

Waxxa attas en intelektuellath i ghanex azzun adh reaniman i res a, uca t’afetten teggen i llalen (Intruments) i zi gha shuwnen thi ra dhi tha Mazight, sufughend theorieth edh thi maynuthin ћuma adh sgeεdhen zi tha Mazight. Etghiman am wenni i tezzun dhi tha mowrth tha medjaћt, mayemmi minzi mara netta edh 1% y’azzu th’mazight a t’eddar, qa dhin 99% eqqanac tha Mazight wa th’essecci bu wa ghrum. Iwa thi wecca zic.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.