Nadia Yassine yedjis en Abdessalam Yassine a mghar en th‘mesmunt en „Al εadl wal iħssan“ th‘egga ijen u merqi ak Al Jazeera, Station en Telvision tha εurubect en Qatar. A merqi ya waha wa y‘ethemmi Nadorama dhi ca, maca min y‘emsan y massa Nadia Yassin, y'escan aneg min dhassen i temsan y i mazighen xmi azzun adh dhuren dh‘a εraben su ghir, waxa a εraben wa zayssen qbiren.

 

  

Massa Nadia yassin, y y‘ennan es i ress ennes qa nettath edh tha Mazight, th‘essiwer es ij en tha εraft, wa dhayes min gha y‘esmun ra dh‘ijen, ra edh gramatik nigh edh vokabular nigh edh aksent. Th‘essawar ex ixf enes am xmi th‘edja ra nettath edh tha εraft. Maca dheghya faqen akiss, ijen zi yenni id iraghan zi el εiraq ennas „a massa Yassine, umi th‘essawedh es i sem en th‘mettuthin th‘aεrabin, ixessa cem a th‘remdhedh tha εraft dha mezwar, qa neccin dha dhi carq ntwara qa marra tha rwa en el maghrib al εarabi wa essinen bu y tha εraft, mara th‘essiwredh akinegh tha franssist imken ħssen zi mara th‘esdheyaεedh tha εraft amenni“, maca Nadia Yassin th‘egga ixf ennes axmi wa th‘essri y manaya, th‘kemmer a war ennes es th‘a εraft enni ennes y faghen, th‘eqqim th‘azzu x a waren y dhas iweddan.

Marra man aya εadh wa y‘ethemmi Nadorama dhi ca, menzi marra „a εraben“ en er Maghrib zi marka ya, ig sersaqqen ixf enssen ghaw a εraben amen nethni wa xassen adhin. Min dhanegh i hemmen umi ij u mazigh zi qubrus, eqqan as Jamal Said, iraghad innas y Nadia Yassine: „Xssegh adh esseqssigh Massa Yassin ex th Mesract tha Mazight, umi el Maghrib wa Yeεtaref ca zi th‘mazight dhi dustur ennes, igga ijen el jarima x i dhless, tha mat (humanité) dhu mezruy en bnadhem a meghrabi, illa iffegh a bridh en marra el mawathiq international. A ray en i islameyen wa ibin ca illa xas attas en tha yyuth, t‘affedh then tbeddan mghar th‘mazight minzi mammec eqqan nithni aqa dhinni i mussuthen i mazighen y‘edjan dhi εilmaneyen ca i muan enneghni eqqanach qa manaya edh a fraq en th‘qebbar edh th‘aydhdhect (Ta‘ifeyya). Tettagh zi massa Yassin a dhanegh th‘ini nican min th‘eqqa a jmaεeth ennes dhi th‘mesract tha mazight edh th‘uthera ennes u sidhef en th‘mazight dhi dustur en el Maghrib “

Dha th‘ebdha massa Yassin t‘adhef t‘effegh dhig a war es tha εraft ennes y‘arzen, xenni y th‘enna qa ra nettath edh tha mazight, maca wa th‘edji ca qa a sidhef en th‘mazight dhi dustur,  y gha irin dh'ijen th‘mesract wa th‘ecni ca attas minzi ataf el maghrib adh itwafarq. Nadia Yassine th‘ebdha th‘essawared x imrialisme y y‘azzun a dhanegh ifaq, x globalisation x th munit th‘eurpawect (EU) a war y ntessra rebda zig εurubiyen. Uca dha udhan anegh i fadden umi en t‘wara ca en i mazighen zi marka ya en Nadia Yassin edh babas dhi εurubeyen kthar zig a εraben es simant enssen y dhi y‘edja ca ezzayssen y bedden ak i mazighen dhi th‘mesract enssen.

Mca min y‘ejjan th‘idhi t‘ekked ex tha ynath cħar ghas gha a jmaεeth a tha εurubect dhi medhfan dhi a Rif amen i mun, yinnia y y'efghen ass en rexmiss 15.11.2007 gha i bridhen dhi Nador wa eggidhen zig εekkazen en er maxzen edh wa essedhħan adh ezzenzen i res edh i dhless enssen y i εurubeyen am cnaw Ahmad Yassin edh yedjis. Uca wa dhayi iqqim illa as ucegh er ħeqq y Nadia Yassine umi tharra i mazighen „buladaa“, iwa a Massa nadia umi cem dhfan i mazighen dhi a jmaεeth ennem qa dh‘i ghyar waha, waxxa th‘ehhawdhedh i mendi waha maca dhi manaya th‘essiwredh th‘idhet. Iqqimayi nec illa adh inigh a ghyur th‘ezmadh at th‘awyedh gha tha ra maca wa th‘zemmadh ca a xas th‘eggedh a ghir adh issu.

 

 

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.