Idhennadh en 15.11.2007 effghen i meħdhan i rifiyen, dhi el jamiεa en Serwan dhi Nador, ħuma adh ettan a dhraq i meħbas en th’mesract tha mazight zi er ħbassath en el Maghrib, mani y twattfen bra er sbab, illa minzi nithni dh’i mazighen ugin adh eddan dhi dedj ugin x th’udhath bra thi seqqar enssen. I meghnas en MCA dhi el Maghrib imun t’soufran sadu el mexzen y then i nettan dhi th’xxamt kur ma ekkand adh ettan tha sghath enssen.

 

 

A’ufugh a iggin i meħdhan en Serwan, ħdhan dhayes attas en tha rwa en Nador zi yinni y y’eqqan dhi el jamiεa a, edh ca en th’mesmunin thi dhelsanin thi mazighin zi Nador. Dhig beddi ya en idhennedh ettan zi el Maxzen adh isbedd politik ennes a rassistan kontra y I mazighen mani ma edjan edh i rifeyen qaε kthar. Afεen thi εedjanin thi mazighin edh banderath exef y’ouran „Dherq em y i meħbas i politikanen i mazighen“ nigh „N’ezmar a n’arrez, maca wa zemma a neddar su zedjif fhi th’muath“.

Ijt zi th’uthrathin y ettan i meħdhan en Serwan, edh a sidhef en i ress a mazigh dhi dustur, nac adh y’iri I ress national en th’muath ennegh, th’uthra ya machi a ass a dh’a mezwaru umi es n’essra maca a dula tha meghrabeect th’egga axmi th’edduhca zi a jihet a tha. Mani ma efghen i mazighen adh esghuyen x th’sghath enssen edh man aya y tettan, ra dhi a Rif, Sous migh gha i cerħiyen. Maca cħar gh y’ekk el maxzen y’edduhcar zig mejjun a, wa y’essin ra dh’ijen.

Neccin wa nzemmar illa anettar y’enni ig bedden x th’muath ennegh ad arren el bar enssen, qa icten zi a reglath thi mezwura en physik th’eqqarac attas en pression t’awid a dhuqqez (Explosion). Uca incallah adh faqen yina adh ucen y a ydhudh min y xess ezzath ma adh y’emssar ca enneghzni I mghar. Marra nessen illa el Maghrib dhayes (ofissial) 75% y mazighen maca noraml εadh kthar, maca xessa wa en tettu ca ella thi mura y munen (UN) eqqant qa I mezdhagh en el maghrib marra dhi mazighen, dhayssen cwayt ig t’waεarrben waha, maca ra edh yina I zoran enssen dh’i mazighen.

Min dhayi id y t’awyen tha dheħħact y nec beεdha, yina ig t’eħsaben ixf enssen dh’a εraben, mri y essnen min dhayssen eqqan a εraben i ħurreyen (yinni en th’ayzaith tha εraft) tiri ruħen adh beddren ra edh I smawen enssen. I saεudeyyen beεdha teħsaben marra I meghrabiyen dh mazighen „barabira“ mammec eqqan nithni, thi mgharin enssen t’eħsaben thent marra edh faq cgher. Uca inassen y ghabiyen aqa ra edh yinni t’arram sh’a yethma thwem, wa zaywem qbiren. Neccin neqqar awem remdhem th’mazight waha uca neqber zaywem.

 

 

 

 

 

 

 

 

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.