Attas zegwami wad essijjigh ex yayethma imazighen i y'edjan ghasen a kedh site a en nadorama.com maca rexxu aqqayi dhewreghd ghawen a yayethma... A wani thratha nni en teqessisin i tugha ggigh u marra th'eghrintent u thesrimasent ex site a negh dhewreghd ghawem es y'ijen en tha qessist enneghni u rebda ghas izuwran eqnen gha tha Mazight nnegh. Ssitimegh a dhawem th'ecna axas th'enim awar nwem es ijen comment nigh thnayen.

Th’udhef dhi tha xxant... Th’udhef dhi tha xxant...
Th’arra tha meεrat i tha wwath
Th’eqqen tha bworjet
Th’essexssi tha fthitc
Th’eħnunnedh dheg ijen u seydħudħ

Uca th’eqqinm dhi tha ghmath
Th’arra tha meεrat i tha wwath
A ssam edh wa jjaj
A ssam edh wa jjaj edh wa nzar dhi barra y'eccath
Ħemrend i ghezran
Ssefyend re bħurath
Thi ttawin nnes eccwarent es thi gwdha
A rrimeth nnes t’eqdiddis es tha rjijath
Re εqer nnes y'uħer dheg xarres
Y'uher dheg xemmem ghar zzath


Th’etru...
Th’etru ralla inu
Th’etru ralla inu
T'ettar axas beεdhen wa mzhiwen en tha mworth
Th’ehnunnedh dheg ijen u seydħudħ

Uca th’eqqim dhi tha ghmath
Uca th’eqqim dhi tha ghmath


Cwayt...
Cwayt th’esra i wesqarqeb dhi tha wwath
Th’eccarwas a rrimeth
I beddas u cewwaf
Akedh u raghi en mmis
I thugha iweddan dhi re xrawath
Th’endar a seydħudħ

Th’endu ghar u jenna
Th’esghuy ijen tha’ghuyyith
Arrind xas i ghezran dhi dhurar
Qerεentid ghas thqebbar edh dcurath
Th’uzzer th’ekkes tha meεrat i tha wwath
Th’ufa mmis iqqarn i fadden ghar tha mwort
Edh wenzar dhi qudhas
Xas i yeccath
Netta y'esghuyyu y'essahrath
Y'ennas i yemmas
Yemma inu uyar an’arwer
Yemma inu uyar an’arwer
An’urzu mani thedjja thudhath
Thudhath en therelli
Thudhath nem yecnan
A yemma inu
A tha mazixt inu
A yemmas en yiwaren edh yirsawen
A yemmas i mazighen
Yenni icem yejjin etmuthrusedh akedh raxath
Yenni umi tghir
Waxxa cem wa thedjjidh
Rhar axasen yembazrath


Maca εemmas
Maca εemmas aseymi
Es ughi en tayya we ye’jmi
εemmas amzigh
εemmas amazigh wa yedjji edh amazigh
Netta yendar yemmas
Yejjith th’eddagher dhi re xrawath
Th’eddagher dhi re xrawath...

 

 

 

 

 

Thi qessisin ennerni

 

Xu Mazigh i gha y'arigh 

 

 

 

 

 

 

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.