Ijen zi tha rwa en a Rif, ig mercen y‘ewwi yedjis u liman, mammec i teggen attas en a yethmas ig t‘efghan su bridh a kur a seguass gha Europa, ħuma a dh‘awren zi miseria dhu cumar, y‘utha tha mghath ennes es er muss, awani umi emmenghen, ucha yesmun reħnudh ennesyeffegh zi tha darth i ruħ isserqa ixf ennes y macina en tha zra y'uεran (ICE), thi th‘ndint en Duesseldorf. Man aya wa dji bu ijjen waha umi y'uqeε.

  

 

Attas i ħudhreyen i y‘exdhan a bridh a ħuma adh efghen zi a Rif a dh‘raħen gha Europa, uca t‘awyen thi ħudhriyin y xerqen, ymant dhi Europa, yina xmi id t‘assen gha thi mgharin enssen tbeddan asen attas i mxumbar dhig a bridh. A mezwaru en i mxumbar a edh tha wengint y y‘emsebdhan attas jar wenni y‘abban dhi a Rif edh wen y‘abban dhi Europa uca tafedh then temqethman ak th‘mgharin a bra ma adh fehmen i xarrissen enn ij-wenneghni. Uca t‘ghiman dhi i mxumbar nigh t‘emsebdħan dheghya-dheghya, t‘ghiman illa tha rwa enssen msakin mara ghassen ca, ujren jar yemma thssen edh baba thssen.

I mxumbar a marra t‘emsain umi attas en famileyath thi mazighen, ig t‘irint dhi Europa, essemracent yessi thssen bra a ray enssent, wa thent t'ejjin ca a dh‘ixdhant ennith u kedh gha esseεdhunt thu dhath enssent. Uca t'ejjant then thina adh eggen min exssen min gha ekken dhi er Maghrib, min zi essnent min gha ekkent dhinni wa ghassnt bu th‘seqqa, maca xmi id gha dhurent gha Europa uca teggent min exssent. T‘ghiman illa i ħudhriyen enni izi esgharr ent dhi tamara. I meggura ya mara ghassen a cwairti qa tkemmaren recwaghedh enssen uca t‘emsebdħan ak th‘mgharin a, mara wa ghassen bu cwairti qa t‘ghiman t‘mendan dhi barcanen dhi Europa nigh i t‘emsarassen mammec i dhas imssar y u ħudhri a en Duesseldorf.

Maca ra edh thi ħudhriyin thi Rifiyin dhi Europa ghas ent attas en i mxumbar ak familiyath enssent, min thent i t'ejjan ca en i mowrn trakwarent zi tha darth en familiyath enssent, ħuma adh eddant dhi tha darth en th‘mgharin en dula. Am icten dhig Liman beεdha y‘essawħit babass gha er Maghrib uca esmercit su ghir ak a mmis en εzizes i tugha nettath wa texs ca, uca umi id gha thas gha u Liman ħuma as th‘essujedh recwaghedh i wanita, th'awer zi tha darth en babas th‘ruħ gha u medduker ennes y y‘edjan edh u dhay dh‘a poloni, uca th‘ezdhegh akiss amen ghas zawjiya ak a mmis enni en εzizis. Babas en th‘ħenjaith a i ħarmit illa iqdheε assen i marra a yethmas ura akiss essiwren, uca iqqimas gha u meggar illa u medduker enni ennes wenni ikedh id th‘ejja ura dh‘ijen u ħenjair. Maca umi i kis gha i msebdħa ra edh wenni wa dhas eqqim ra edh ijen uca i reqfit a hrac psychic min it y‘ejjin εadh rexxu dhi psychatrie.

Uca ijen ezaynegh adh yaħer ma adh i xarres adh yaf re sbab en manaya marra edh familiyath, y wa i kessin bu a mnuss, y wi xssen tha rwa enssen, azzun nithni y dhassen gha y‘ixdhan u gha mercen, uca t‘efghen xasen am tha kthemt am u kthem, uca adh i hdha sidhabbi famileyath i Rifiyen waha.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.