Dhanita n'exs a n'essiwer ex tha qbitc a wis thnayen; fghen sghuyyun gha tha wwath en frontira en Mritc edh Ceuta issin plakath urin dhayssent ca en yi waren mecnaw "Al motalaba bi moqatâat al badhaiâ al ispanya", maca wanita y'issin plaka ya ma y'essen beεdha min dhin y'ura nigh urinasted uca sqadhenthidh. Minzi mri wenni y'urin manayenni dha mmis n'en Nador atiri y'essen mecћar en familyyath dhi tha ndint a i y'eddan es sserεeth nni i di t'efghen zi Mritc ћuma a t'emmenz dhi re swaq n'en Nador, atiri y'essen illa marra thi ћuna en re swaq nni adh belεent thi wura ensent, atiri y'essen illa tha rwa en yina tafidh wa ghassen min gha eccen beћra εadh minzi gha gharn, atiri y'essen illa Nador mamec y'edjja nhara mri wadji ca edh Sepagna iri th'ufit mecnaw ca ni mucan gha i Mazighen en Cruћ dhi wa dday en er Maroc, yina i y'edjan εemmas wa zrin a bridh en thi zeft mamec y'egga. Nigh yettu illa a rrudh nni idhin i y'adh manis id y'ekka? U y'ettu illa azyen a meqran en tomobinath dhi tha ndint en Nador egwarent es mazot edh lisans en Mritc i y'edjjan i sekwa azyen en min th'isekwa wenni en er Maroc. Wa y'essin ca illa mri Mritc et tha meghrabect atiri th'egga am Bou3ag uca tiri qqarnas "Beni Mlilya" amecnaw aith Cicar umi traghan nethni "Beni chikar". Ghza ћaca gha tha wwath en Nador uca th'eghzadh gha tha wwath en Mritc, mikath thi barcanin zeg ghezdhisa axmi id ghemyent zi tha mowrth xu ghezdhis neghni nehra ma nessiwer xas qa marra wi yudhfen gha Mritc yessen.

 

 

Iwa mara n'eghza gha wenni i y'issin ijen plaka y'ura dhayes "Espanya wa israil fi xana wahida, ihtilal aradhi maghribya wa uxra filistinya", wanita uћregh ma adh xarsegh min xas gha nini ufigh illa ћettec i backlit waha kta zeg wi yekkin yeεdhu axmi wa ghas qaε i mxumbar illa Mritc edh Ceuta i y'edjjan dheg fus en Sepagna, netta beεdha ma ghas ca n'er xedhmeth nigh gha i meddukar nnes, ghas mani kisen gha y'emerqa gha u meggar en simana ћuma a kidhsen y'ira tcamma nigh ca en cinema mani gha sseεdhun a εecci nssen, nigh ghassen gha 750 aref ni mezdhagh dhi province en Nador ca en bibliothek anict en thenni i ghassen gha thnayen nni en thi ћebba i mezdhagh en Mritc.

Mayemmi wa teggen idhrabath am yina ex tha mowrth i ghassen? Mayemmi wa t'ekkan adh esghuyyen ћuma a tiri tha Mazight dhi dustur? Mayemmi wa esghuyyun ћuma a ghassen yiri er ћeq adh eggen i smawen dhi Mazighen i tha rwa enssen? nigh neccin; micek i xessen a ya εaryan, thi xudham a muray!

 

 

Gha u meggar itghima illa a n'ini illa n'eccin th'ghedjjeb xanegh "er εasabya edh ttaεassub" bra ma a nessen mani y'edja a nfeε nnegh en tazzer en sghuyyu waha. Uca thi cthi dh'ict en ddarra i xef  nnegh en εedrassent i er aћzab i y'esxinctharan zi tha ghyuri nnegh.

 

Thu dhath dhi Mritc (Melilla)

 

 

 

 

Video wis 3.

 

 Thu dhath dhi Nador