Nadorcity edh ijen site en tha ndint en Nador, eggint ijen tnayen en yeћramen et tarwa en Nador mani i ghrin u se3dhun themzi nsen amen thmun. Maca rannec edh mmis en Nador u rannec ghrigh dhayes u se3dhugh dhayes themzi inu amen thmun; ghrigh tha Fransist am yewdhan marra mamec iteghrin dhi er Maghrib zi niveau wis thratha amezwaru tarra tsawent; u zemagh adhinigh marra wi yewdhen gha baccalaureat dhi thmwath negh yessen walu qa3 adh yebdha jar "le féminin" edh "le masculin" nigh jar "le pluriel" edh "le singulier".

Dhi articlath nigh zemmagh adhinigh dhi rexburath nni id kessin ammu edh wammu u tteggenten ex site en Nadorcity en taf min umi teddedh thenyath u min umi et cabant thammiwin xmi itarin es tha Fransist, ttarin es tha Fransist en frontera waha meεlik ba3dha gha ghanegh ca en frontera ak fransa, rid edh "la grammaire" thecna rid edh "la conjugaison" eg wa mcan nes rid edh "l'orthographe" thseggem, kucci yeћnunnedh dhin waha, sressaqen dhinni ca gha ca uca ttekken εeddun.

Maca ghari ijen u seqssi i tharwa en Nador yeghrin cwayt u tadhfen gha site a wanita, ma ra nnithni am yenni itarin thi fettiћin nni? Mara tugha site a ttadhfen ghas wassinegh mecћar en yewdhan u ghar i ћudhriyen yeghrin u ghassen ak tha Fransist en niveau amezwaru, mayemmi wa ssiwiren? mayemmi wa tarin ex manaya? Mayemmi wa trighin i yina iytarin manaya ћuma adh εedhren cwayt zbareћ nni nigh a d'awyen can y'ij yessen adh yari es tha Fransist?

Mara negwar nanni gha zzath waha es thu ddaghetc qa yiwdabbi illa i Mazighen nnegh adhasen temsar am temsar i tha baghra rami th'ruћ atεeyyeb thi cri en tsekwwath, armi i tedhwer gha thi cri nnes th'ufa th'weddaras uca th'eqqim th'nettu waha zi rfaεa gha wa. I Mazighen fghenteth rid tha Mazight nssen azzayes sgaεdhen i zedjjifen nssen rid edh ca en yi res nneghni azzayes arin nican nigh azzayes ssiwren nican!

Mani thegwam a tha wmat en Nadorcity? Dhanita nec qa itwezwizayi w'ur inu waha ex manayenni idhin ttarim, u ssitimegh a tesgaεdhem cwayt zi niveau nwem u wa tarim ca minmma th'ufim zzathwem axmi i thessekkam manayenni ica en yi ghyar εemmas wa ekkin tha mzidha. ћawreth cwayt ex ya yethmathwem qa et kemmrem xassen.

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.