Tha Mzidha en Abu Bakr, dhi Frankfurt, i yedjan zig segwas en 1966, th'azem dhig mezwaru en Septembre i yeεdhan thi wura ennes dhig ghembub i mezzidja i rifeyen i tirin dhi Frankfurt, a wani rami tugha th'belleε maħend at twahdhem ħuma  a dhas εawedhen re bni zi beddu. umi gha th'kemmer dhi char en 9. 2007 th'edhwer dh'ijen yi mcennef (fierté) dhi architektur ennes zi barra nigh gha dhaxer.

 

 

 

Min it y'arrin wa dji buu edh tha mazidha waha, maca dh'ijen tha εebbut mani it merqan i rifiyen en tha ndint en Frankfurt, maħend adh swen ijen rkass en wa tay dhi er qahwa i dhayes dhi tha mzidha gha dhaxer. Mammec i dhayes εawedh ijen sala en wu ran dhi lakab, dhayes ca en 120 m², t'egen dhayes i mezdhagh en tha ndint a thi meghriwin ensen, am re fthuħ, tha rath, uran, illa dhayes kuzina et ta meqrant mani zemman ait bab en wu rar adh essenwen i nujiwen enssen.

Tha mzidha dhayes sala en th'zadjith en y'a ryazen sennej ennes sala en th'zadjith i thi mettuthin, dhayes ura a gherbaz mani i qqan i ħenjain i mezianen er quraan, maca min it ghiman dha mxumber a meqran dhig gherbaz a yenni ig tirin dhi thi mzidhawin, esgharan asen i yi ħenjain tha εraft waha wa dhasen seqqan bu tha Mazight minzi attas i mazighen itghir asen tha rwa enssen wa tirin dhi msermen illa mara remdhen tha εraft, uca ammu tsahamen ra nithni es tha sεath ensen dhi u εarreb i mazighen edh qettu x th‘mazight.

Ijen punto enneghni i wa iεjiben ca attas en th‘mettuthin i dhinni i traħen, edh erqahwa enni i dhinni eny a ryazen waha, attas en thi mgharim issitiment me3lik i dhassent th‘etweagg ra nethenti ijen er qahwa en th‘maghrin waha mani zemmant adh merqant ra nethenti ict ak th‘nneghni.

Maca a tharras wa i tkettar ca dhi kritik, menzi gha umi i twagg ijen al macruε amcnaw wanita, dhayes a nfeε i rifiyen dhi diaspora en Frankfurt, mani zman i mazighen adh merqan ak ayawya, maħend wa then tmarreth a rweħdanct edh reghrubieth dhi th‘smedh en europa. mani zman i ħudhreyen i mazighenn adh merqan bac wa dheffan ca i bridhen i εeffanen, wa t‘ghimin ca tmendan dhi znaqi en Frankfurt, mani zemman adh remdhen adh eggen droga nigh marra min idjan dh‘a εeffan.

N‘essitim as i tha mzidha ya attas en th‘cuni, incaεllah a dhayes njemεen i rifien x min xef yadha sidhi abbi edh min dhi idja enfeε i nethni edh tha rwa enssen. Ou ntetta zi sidhi abbi axassen esbeεεedh marra i wdhan enni i εefanen ig tarran es isem en din ennegh i xanegh i εizzen, ħuma adh sgharren zi tha rwa ennegh athe edhfan dhig a bridh enssen en tram, i then i tarran dh el mujrimin. Amin ya Rebbi.

 

 

 

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.