A mezruy en Said Zerouali ak musika teεqab gha tha mzhi ennes. Y’exreq dhi Aberkan dhi a Rif, a ћudhri i y’etwassnen es re ghnuj moderno en Musika tha Mazight, y’ermedh Musika xi bridhen. Am acnaw i y’eqqar netta : "Nec wa ermidhex ca re ghnuj dhi u gherbaz en Musika (Conservatoire), maca remdhex arami tugha tiragh ak i meddukar inu dhi i bridhen en Aberkan. Remdhegh arami tugha en etjeddad minzi gha neg fotokopie i thi neqqidhin en Musika".

 

 

 

Guitarra dha llal (instrument) i y’ekthan qaε attas dhi tha ndint a en Rebћa a cemrar, am i th’ektha dhi qaε a Rif. Said Zerouali it buhruy ex wa llal a. A ћenjar a i tugha it owjan attas wa y’ehni armi y’egga guitarra ennes. Zi rexdenni wa ethbeεedh xu ghezdhis ennes, th’edhwer edh tha medduktect ennes i εizzen.

A tharras a i y’edjan essnenth i wdhan dhi a Rif am i mun su seffa ennes dheg ghennijen ig eteg, y’ezmar adh es ghir (obliger) i xef ennes dhi tha mowrth en re ghnuj Mazigh. Wa it ejji ura dh’ijen Festival ghas ak tha Mazight, manima y’edja dhi tha Mazgha. Manima i ruћ i tawi kidhes a war en tha zyudhi dh’er ћeq edh thi relli. It ghennaj ex re ghdha, ex Abkrim Khattabi, ex tha mghath tha Mazight dhi mxumbar en wa ydhudh en tha Mazgha amen i mun. It ghennaj "Mayemmi?" i yi ћudhriyen umi udhan i fadden, "A Yelli" i thi mgharin thi mazighen idja t'arran thent y’ayazen amacnaw macinath en tharwa waha. Th'mijja th'enghedh maca i waren ennes qedhεen am wezzar, Said y’ekkar it ghannaj xu mcan en i res edh i dles (culture) Mazigh i ruћen.

I waren ennes hownen maca direkt, uca tafet way t’igwedh ca adh y’ini min it xarras i yenni i bedden ex politique. Y’ekkar iqqa kritik ennes i er aћzab enni id y’efghen zi "al ћaraka al wataniya" (mouvement national) i y’eggin ghezzu (masacre) dheg i xef (identité) i Mazighen dhi issem en tha munit. "ijen i res (arabe), ijen tha mowrth (Meghrib)" amec eqqan nethni. Said s’ixef ennes tugha y’eqqar: "Egginagh tha cmamt es y’issem en tha munit"

Ћuma ad y’essufegh album ennes, Said i ragha i editeurath en thi neddam en Aberkan edh Nador. Maca style ennes maynu wa dhassen y’ecni ca. "Y’ina i teggen Production t’exsen Musika enni en ser uca ndar waha, nithni t’exsen musika en wa kkez. Editeurath tagwdhen, azzun wa ghassen bu It iri ak musika i dhi th’edja politique" amec yenna Said Zerouali. Editeurath mammec yenna dhuren it qedjaben Musika es wa kkez. Tawyend thnayen nigh thratha en yi wdhan, axxun i disku uca xezzan mammec kidhes t’enhezzan. Ammu uca tafen ma musika enni a dhas eggen production nigh at essekken at essummath.

Suyenni dhi Nador wa th’eqqim illa Musika enni y'etmenzan su kilo. Ha "rgadiyate" ha "fi xater cabba..." wenni gha y’eggen ijen synthesizer (es nuqqub i mejja llahyehfedh) dh’ijen xemsa en cixath (chikhate) adh y’ekka adh i ghennej. iwa adh y’ej abbi iwdhan am acnaw Said Zerouali , Khalid Izri edh Walid Mimoun waha.

 

 

 Aqqawem video en "a yelli"  

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.