Dhi thi Nghir y’esbed er mexzen ijen demo tugha exsen ath eggen i wdhan en tha ndint a, tugha azzun a dhayes esghuyyen ex min dhi djan illa adh ettan zi er ћeq enssen dhi tha Mazight. Dhi video ya y’essiwer wa ryaz enni a mezwar uca yenna :“ A neni i Al Bennani qa neccin n’azzu an eddar a dula i fassiyen, a dula i ceffan, a Al Fassi, a Al kettani, a Al Σalawi cfawem zir hugra, n’azzu an eddar, qa th’ewwed er weqt an eni qa neccin dhi Mazighen.

 

 

 

Y’ewwed er ћar huma an eni qa neccin wa n’essadhar a zedjif ura i y’ijen, an essadhar a zedjif ennegh i tha mowrth i mazighen edh i dhles(culture) i Mazighen. An bed emmara idhnex i bnadhem a Mazigh. Cfanegh zi th’esqa kenniw eth kessimanex marra min ghax, th’essim a ymar en re bћa, essint generalath. Th’essim Fusfat, y’essith Al Σalami. Th’essim er banakawath, y’essithent Al Kattani. Th’essim islam, th’essith Imarate Al Mouminin. Min y’eqqimen iw Mazigh. Ennananex awaћuth a neg tha zadjith en wa nzar (Salat Al iItisqae)! Tha zdjith en wa nzar ar mermi? Ћuma a xaneghd fyen εawedh wa man (Minzi tugha y’ezwar efyend xasen wa man uca er Mexzen wa dhasen i xeddes walu ). Ucan reћwayej i tughaneghd yussin uca eqqananegh rajam ex ca re ћwayej wa djin! Ucananegh marra min dhanegh th’uca eth mowrth ennegh uca ennanagh siryem iffassen enwem gha sidhabbi ћuma a kenniw i suffegh zi mindi th’edjam. Haqathen et raћen kur a segwas gha Mekka kidhssen 3 Milion en yi Msermen ekkaren t’ettan gha sidhabbi adh y’azz u Dhayen, Haqat Israel eth meghar zeg w’ass gha w’ass. Haqathen i Rumiyen eggin democratie dhi wa Granzi, dhi Fransa ... I kenniw a yi Msermen dhi mafhom Nasiri, Amawi, Abassi, Baεthi Saddami illa dha Meghrabi dha Fasi th’eqqam illa neccin marra dhi Msermen qa edh manayi i dhac y’ura sidhabbi. Edh manaya i dhayi y’ura sidhabbi a ya Fasi.

Qa kenniw tughakenniw dhu Dhayen eth Sermem dhi εahd en Mowaћedin, i Fassiyen marra sermen xu fus i Mazighen en Mowaћedin, wa essinen ura edh “R”. A dula en Murtaziqa, qa dula wadji ca rebda edh tha mowrth na bnadhem am acnaw y’enna Lounes Matoub. Tha Mowrth i kucci, Dula qa edh thu cefra am acnaw ennan falasifa en εahdh en thi fawin, ennan mrimma th’ufidh a yya i bed ex y’issem na ddin nix na rassa qa th’esnedh illa qa a yya enni nazi. Ammu i y’ay Hitler, i y’ay Musulini. Dhi er Maroc eqqarnac Islam muqaddas aqath dhiw fuss en rabεadh waha zman adh eggen zayes min exsen.

 

Hitler ennac Masihiya muqaddasam, illa a rassa ensen muqaddasa. Duwal en Afriqia n’ennej emmara t’ayyant dheg issem en Islam edh Σoroba tabi am Hitler edh Musulini waha. Kucci ensen dhi naziyen eddan dhi wa rudh n’er mexzen. Haqa polisia ejjem anegh athen esseqsa: wi xef eth ћetta polisia? Ma eth ћetta Dula nigh eth ћetta a ydhudh? Umi eqqan amn? Bnadhem adh y’edda es y’iri ennes dha zira, wa xas et εeddi ra dh’ij, tughanegh mara n’ettef a ceffa dhi suq en re thnayen n’etεanas a εmudh maca polisia dh’edjqen as mara n’ucassent. Neccin n’essawar xe Islam zeg rezdhis ennes y’eggwan ak nhara, nethni sawaren xas zeg ghezdhis en mutaεassibin. Eqqanac polisia eth ћetta ex wa ydhudh nethni t’etfen anegh wan zemma ura an n’eddar. A ya police ma cek eth xedmedh a yadhudh? Ma cek eth menεedh char ennec zaynex? Iwa ejjayi adh eddax radh ennec! Ucin as i polisia er ћeq adh acan, minzi mammec y’enna Oufqir, uca qa εadh system a y’egowr zayes er mexzen, yenna : A polisi er xedmeth ennec edh ufugh xer qanun. Tabi i Mazighen eggem fus dheg fus wa tagwdhem ra zi bu wa rudh a ziza! Neccin i Mazighen tha rwa en Σessu edh Σedju Mouћa edh Zayed Ouћmad. I Mazighen mani emma djan, i dhammen ennegh i tugha i tazren dhi wu ssan en tha seћrect (Colonisation). Zi rexxu et sawent nazzu waji bu System Fidirali maca System Konfidirali. Tha nemmirt azul thi Mazighin azul i Mazighen.“

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.