Ţ’maziγt đi a rif đ’iress enw a briđ en a zenqeţ. Min γayek u maziγ đi barra issawar a iress ennes, macha xmi γa iqarreb γa a rmexzen i xessiţ ađi sewer ţa εraft niγ ađi ser min wa đas iteεjiben. Mara ixess cha en ijen ađi zar a trem i tuqiεin y ţa rwa en a rif mara wa essinen ađ essiwren ţa εraft, am attas en ţ’wessura đ’i wessura, ađyaħ γa almaħkama en Nador nigh Alhoceima.

 

 

 

Đini at zam cha en i rifiyen jemεen ţraţa enni en ţ’ħebba enw a waren en ţa εraft umi essnen ħuma ađ dafεen ex i xef ensen. Mani ma ţruħeđ đi europa γa cha en alidara niγ almaħkama twyennajd a turjman issawar ţ’maziγt, macha đi ţ’mowrţ enneγ wa γaneγ bu a rħeq anettar a turjman mara wanessin anessiwer ţa εraft. Manaya itouqiε đi almaħkamaţ, mani marra a dunect tfurruj, mani εađ min ituqiεen đi elidaraţ, komisseriaţ, reħussaţ. Marra man aya nessniţ u nessen illa manaya ituqiεaneγ, mezi nechin netseđħa zig a iress enneγ netseđħa u γa inin qa nechin wa nessin bu ţa εraft. Neqber zi a dedj iđi nedja đi ţ’mowrţ enneγ.

Macha min wa nessin cha, niγ entegg ixf ennegh axmi wa ţ’ne ssin, min itouqiεen đig dellissen en a rif. Ma teεqarem cħar i necca đ’a εmuđ mara nessiwer ţ’mazight đi skwila? Ma teεqarem a seħqar y đas i tuqiεen y ţ’mazight di i maziγen đi aduruss u mezruy? El wizara enw sγuri ţazzu at mħa marra ţ’maziγt, i ress y maziγen eđ a mezruy enssen, ţazzu aţen tarr đ’a εraben xssen niγ wa xssen, mammech i eggin y ait yeznassen đi barcan, yina tuγa ţen đ’i rifiyen đuren wa essawaren illa ţa εraft, waqqimen bu đ’i rifiyen macha ura đ’a εraben wa ezzayssen qbiren ucha emenni eqqimen jar recrassa! Mara wa neħδi ixf enneγ, amenni đaneγ γa youqeε mani emma nedja. Arumi ura i rifiyen y ittawan đi europa taffeđ ţa rwa ennssen wa eqqan ħama qellεen ed ijen ţnayen enw a waren es ţ’maziγt, maca taffeđ famileya enssen wa ţen ihem a rħar, đig a mcan ađ sremđen ţa rwa ennssen ţ’mazight issekkan ţen γa ţ’mziđa, ađ remđen ţa εraft „a war en siđi Abbi“, mammech i qqan niţni.

Mna aya i touqiε y i rifiyen y ittawan đi barra, mani εađ đi a rif, mani mammech εađ đi cebdan tuγa ţi mettuţin teggen ţi ggaz es ţ’finaγ, a rfuquha en ţ’mziđawin tuγa aqqan assent qa ţ ira enni en chitan, ħaram a zayssent yari bnađem. Zi manaya minzi ţi finaγ weddant đi a rif, min iεna a messrem ig azzun ađ yari es „ţi ran en chitan“. Rfuquha en ţ’mziđawin, eđ neţni beεđa y iteggen alxutba en a jemεa es ţa εraft amen essnen illa kţar zi 60% i rifiyen wa đassen bu fehmen, macha waxa amenni qa ţa εraft „đ’a war en siđi Abbi“. Man aya ixess ađ yinni illa i turkeyen, i iraniyen, i afγaniyen, i pakistaniyen eđ i indonissien wadji bu đ’i mssermen umi teggen al xutba en a jemεa es i ress enssen, umi i tichen y ţa rwa enssen a smawen i đassen id ejjin rejđuđ enssen!

Neccin i rifiyen zuggami neđwer đ’i msermen, neccin nettef đi ţ’messremt enneγ, wadji u đaneγ it γa yekssen, neccin đ’i msermen đ’i ħurreyen, mara nessmeħ đi ţ’maziγt atfiđ, a nessmeħ ura đi ţ’messremt enneγ, mammec đassen youqeε y ait yeznassen. Manaya iqqaraneγ illa i dellissen eđ rebεaδ en rfuquha en ţ’mziđawin eđ uccanen saddu i ţ’hiđuarţ en ţ’ixssi, mara wa neħđ ixf enneγ ezzayssen ađaneγ kssen ţ’maziγt enneγ eđ ţ’messremt enneγ.

Ghzam radh

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.