Ţa fraiţ (A nuxba) en a rif dhayes ţraţa en markaţ, marra yeđssent i chach iţent ijen rehrach iqsseħ aqqanass ţ'chuđift en ţ’uđrusst „εuqdat annaqs/complexe d’infériorité“. Marka tha mezwarut etteni y yedjan ţemγar qaε ex ţi nneγni, i wđan ennes tseđħan illa niţni đ’i mazi γen ucha tarran ixf ennssen đ’a εraben, tefeđ ţen tdafaεen x ţa εraft ktar zig a εraben es i mant ennssen.

 

Xmi kissen γa ţessiwređ x ţ’mazight eqqanac ţ’mazight ma tich a γrum! Niγ eqqanach qa ţa εraft đ’ a war en siđi Abbi, axmi ţ’maziγt wadji bu đ siđi Abbi y tid ixerqed, axmin itid ixreq a chitan. Yina iwđen gha ijen a daraja en al kufr zi siđi Abbi wadji uđass γa yawđen, yina exssen achinin qa siđi Abbi issen illa ţa εraft i rssawen enneγni wa đassen ifehhem (wa al εiyađu billah).

 

Maraka wiss ţnayen i iteħsaben ixef ennssen wadji bu đ’a εraben macha εađ tseđħan u gha inini illa niţni đi maziγen. Yina ekkan kurchi es francais, englais nigh cha en iress anneγni maca wa eqqan cha es ţ’maziγt, itawi assend Abbi illa mara aγrin es ţ’maziγt atfiđ niţni „analphabete“ yina wa essinen cha ella marra i rssawen en europa tuγa ţen đ’ijen a rweqt am ţ’maziγt, marra yenni y γrim tuγa tarin eqqan es a latineya, zi manayenni tuγa europa metxelfa. Europa wa ţekkar ategeεεeđ ar umi i yđuđen ennes bđan es i ress ennssen y essawaren, semħen đi allatineya. Ammu id ţban ţ’franssisst, ţa tayact, ţa limant… Ţnayen a en a nuxab teggent ktar zi 95% zi yinni i yeγrin đi a rif, su yenni marra al journalaţ id iteffghen đi a rif es ţa εraft niγ ţa fransist, ar umi ura đi internt nadorama.com weħđess iyedjan eđ site es ţ’mazight en a rif.

 

Marka wiss ţraţa eđ yina i yedjan qaε đruss, yina tefeđ eγrin attas essnen min iseqqa i ress en bnađem, eđ yina weħħeđsen ig issin a mnuss en ţ’mazight, niţni ig smunan a waren en ţ’mazight, tarin eqqan es ţ’mazight. Macha a mxumber a meqran i γaneγ yedjan: mara wa nebđi anari anγar es ţ’maziγt i rifiyen ađ qimen rebda qefren, mara i rifiyen qefrem εemmas anari anγar es ţ’mazight ucha ammu igha neqqim đi ijen a rxeđmeţ am Sisyphus i tugha y isgeεεađen ţa sđaţ γa ţ’qicca enw đrar kur ma iqarreb ađ yaweđ teqnunnuyzt uca ibeddad zig meynu.

 

Mohamed Bellafkir 

Komments

Add New Search RSS

Ari komment
Issem:
Email:	Wa εedjem caεermayi
	Please input the anti-spam code that you can read in the image.