Tugha sahigh ed kenniw dhi thnayen nni en et'qessissin i yeεdhun es cway en yiwaren ex imazighen negh edh mamec iteddan dhi thmath enssen u dhi marra thimura en miden, u rexxu ad xawem ssijjegh es ijn en tqessist enneghni rebda ex imazighen negh maca amara ex mamec iddan thudhat enssen dhi er εahed yeεdhun, er εahedh en Mohand ameqran edh er εahedh idhi etwa xemren attas i mazighen dhig ifran.

Min gha neg es u zir ..?
Min gha neg es u zir ..?
Thfuct rebda theghri
Min gha neg a yayethma
Dhi djjireth bra thaziri..?
Donect idhi neddar
Waa donect idhi neddar
Aqa ireqfit u nuri !!!!
Reεqer negh
Reεqer negh dhi tha djjest inewwec yefruri
Arrimeth negh thetwaffez
Thetwahek ex yesri
War dhayes yeqqim
War dhayes yeqqim ghar aya en wur
It arjiji am yij en yethri
Mermi ma thexzad dayes
Mermi ma thexzad dayes
Attafedh ghar u jenna itari
Waxxa iweddar dhi djjireth
Omi nghin taziri

Aya en wur
Idhanegh yejjin anesghuy
Idhanegh yejjin anari
Amen sghuyyen yen yessun
Thammath negh es idhammen
Rami nnan:
Arumi dhi thmath nnegh war itiri
Weneghni edh aydhi
Azedjjif nes dhi thmath war itari
Nnan min yenna MOHAND ameqran
Mmis u char nnegh ahowrri

Ur nnegh izemmar adh isghuy
Izemmar adh yari
Amen urin yeni ex yetwaqqen
Es thsudhar dheg ifri
Rami sghuyyen ex rejruf
Idhassen yeggin dhar ex yiri
Menzi esnen nnan thidhet
Ennan thidhet yarziggen am u riri
Dhi thmejja eyen yexsen

Adhyeqqim u mazigh Am u aharmuc war yessinen thfuct
Ma thenqad ma theghri
Waxxa itesra exsen atharren war itesri
Waxxa itwara exsen atherren war itwiri
Maca neccin nesghuyyu
Neqqarassen :
Marra manaya yeεdhu
Marra manaya edh rbari
Rexxu marra nessen
Marra anesghuy
Marra anari
Anari thidhet igha yarren marra rejrouf edh reεri
Anari min yeghra u tharras dhi thudhath
Waxxa dhi eth mezyidha εmas war yeghri
Anari :
Mazigh ahowrri netta εemmas war yenneεri
Ixemrith wis ssin eg wender
Iεawdhas iwenneghni edh eg ifri
Menzi edh aryaz
War itegwedh
War iteεgiz war yetciri
Yessen thudhat nnes
Mamec thedjja edh mamec gha thiri
Yessen thudhath ness
Mamec gha thiri
Mamec gha thiri

Inith xafi εadh wa yessin
Nigh inith xafi edh abouhari
Eth ejmayi adhinigh ranec min ghari
Adhinigh :
Nec edh mazigh ahowrri
Nec edh mazigh ahowrri

 

Zohir Riouch

 

Komments

Add New Search RSS

Ari komment
Issem:
Email:	Wa εedjem caεermayi
Tha Ndint:
Title:
	Please input the anti-spam code that you can read in the image.