Yura s wa war n kongres a madhal a Mazigh, Rachid Raha, ijen tha brat i yi meghnas n parlaman n'Europa, yescen dhayes min dhi yedja wa ydhudh a Mazigh dhig idha. Uca yenna dhayes illa qa ddula tha Marrok wa ghas bu ghana at bedder tha mendhawt (Dustur, Constitution) i yedjan qa itetta zzayes marra wa ydhudh a Marrok, min dhanegh thesmarent thi franin thi meggura n Oktober 2007.
Yugi Ahmed Aboutaleb, a mgha n Roterdam, x lista n ismawen tha Marokt, minzi dhi lista ya dhayes ismawen n wa Aaraben waha. Min i tejjan i Mazighen wa ghasen bu thi seqqa adh eggen ismawen dhi Mazighen i tha rwa nsen. Ahmed Aboutaleb yenna qa mara yeffegh x lista a tafidh at yessecmedh. Thi menna ya fghentid dhig ijen u merqi n Baladiya n tha ndint n Roterdam.
Rmexzen a Marrok i xessith adh yini mani yedja Chakib El-Khayari, ijen aktiviste dhi thi seqqa ni wdhan. Mass El-Khiari tugha i ruhen ass n 17 Februrar 2009 dhi Casablanca gha Policia i tugha dhasd yesseken tha nfutc (istidaa), zi rexdenni wa yedhha ratha nnes. Dhi w’ass dh’ijen zic, udfen Policia dhi Nador x tha ddath n familiya n Chakib El-Khayari. Uca issin-as computer dh ca n recwaredh nnes, mammec thaawedh familiya n Mass El-Khayari.
Mohamed Abdelkrim Alkhattabi mmis n 1882 zi dcar n a Jdair zzath i Biyya (Hoceima), babas tughath dha mghar n tha qbitc n’ait wayigher. Abdelkrim Alkhattabi yeghra dhi Alqarawiyin dhi Fes mani yeghra th’ussna n ccaraa. Tughath dh’imsermedh dhi Mritc jar 1907 dh 1913, illa tugha i tari ak u ghmis n El Telegramma. Tugha dh netta i bedden x tha ghdemt (justice) jar i msermen n Mritc, illa tugha yetowrjam dhi bureau n thi mesrayin n familiyath.
Mounir El Hamdaoui dh mmis n 14 Julyuz 1984 zi Rotterdam, dh’ijen u mirar dha Mazigh si zuran dhi Rifiyen, itiran dhi Holanda. Zi 2007 ar rexxu i tirar ak AZ Alkmaar. A segwas n 2001 thebdha kariera nnes dhi tha ndint n thamzi nnes Excelsior Rotterdam. Dhi Tha semhuyt (saison) nnes a mezwaru igeaaedh ak kippu nnes gha division wis yan (1).
Marra nessen u marra wa nettu ca min yemsan dhi tha ndint n Biyya (Hoceima) dhiw segwas n 2004 dh wa nhezzi n th’mwarth, i yejjin awarnas ca na gim (1000) i medhran dh ca na gim (1000) n i neyzam dh i meadhar dh i mehrac. A nhezzi n th’mwrath dhi Biyya wa ybed ca maca amenni theqqim ttenhezza ar nhara, s i dhan n i rifeyyen ig itmunen dhi thi'crithin (marches, masirat).
Yemsagar kippu n Ithri na Rif ak wenni n Nador Albaladi Albidaoui, dhi tha wala 1/8 n kuppa n Aarch (coupe de trône) dhi Basket. Furbo n Nador tugha yeccowr si mannay (spectateurs) n kippu n tha ndint a. Yina ssecnen ijen u ghembub yecna ni mezdhar n Nador amec nennum rebda. Ithri mlih yirar mlih dhi partidha nnes min itjjen a ydhudh Nador issitim kuppa ya a ghasen-d tha gweh gha tha murth nsen.
Ggigh thi zemmar inu dhi tha qessist a huma adh awdhegh ghar ijen a teswath nu ceddi (relation) i dhin jar kur ijen zzaynegh ak yemmas, tha mettuth nni idhanegh-d yejjin ghar u madhal (ddunect) a, thenni ixanegh yezrin tamara dh remhayen. A teswath a ixef urzugh ufight dh tha mezdhaget s w'attas dhi xmi kur tha mettuth ttarod mmis. Ssitimegh adh irigh iwdhegh gha minxef urzugh, u ssekkigh tha qessist a dh azul dh'ayyuz yemghar i yemma dh'amezwaru u i marra thi yemmathin nu madhal (ddunect) zig ixef ar ixef.
22 yenayowr 1984, dhi wa war i yuwca x television dh a radio, yenna u zedjjidh n Marrok dhi rweqt nni Hassan II (wis sin) x i mesghuyyen n th'sghath nsen qa nithni dh "alawbach" nigh a fradh n yi wdhan (dechets de la societe). 25 i segwussa rexxu zegwami, kant dhi tha ndint n Nador cwayt n thi ghuyyawin i mehdhan dh i mermadh, thi ghuyyawin a dhhant dh ijen y'ighzar y dhammen i tehmired rexxu rexxu dhi u xarres n tha rwa n Nador, umi nghin ijen sin nigh ctha zi ait baba nnes.
Zi min d-yessufegh rmexzen a Aorobi maynu, huma adh yeaajen x’wudhmawen ni Mazighen, dh th’imegga n ijen th’meghra n 1200 i segwusa nu mezruy n th’murth nnegh. Mara i Mazighen aqathen dhig segwass 2959, mammec ggin nithni ewdhen gha 1200 i segwusa? Uca ennanac musalaha ak th’Mazight. Ma su qemmum nigh? 20 zi yowr 12 n 2008 dhi Marrakech thetwaddes (organise) tha meghra i 1200 i segwusa u mezruy a Marrok.
Abdellah Nahari, ijen n refqi n tha ndint n Oujda. Netta dh ijen refqi i banen attas s thi menna nnes dhi wa war n simwass (jemaa). Zi i waren nnes i yetwassnen qaa attas wenni yedjan dhi Youtube i sghuyyu dhayes it cecdhca i mghan nu Marrok gha abbi uca yedaa adhasen yessizegh i dhammen dhig zuran ar tiri ssitimen rmukt wa ttifen. Dhini uca thetfidh histirya yeqqim i sghuyyu s issem n’abbi am yarra a zedjif nnes gha qibla.
Rebda tarand i wdan thu tra gha tmenyath wa yedjin, thina mara wa djint i wdhan wa tifen min gha ccen, min then i tejjan tettan mara wa ghasen wi xasen gha i xedhmen. Maca yina udhrusen, attas zaysen ufin i wdhan na Rif zzidjizen-asen uca fghen gha thu tra. Rami thetwag ijen tha rezzuth dhi th’mesract a ufin illa ca zi yinni i tettan ggin tmenyath dh thi meqranin izi ggin rexxu thi mura, tomubinath dh thi durra dhig mucan manis dusin.
Dhi yowr n 9 zi u segwas n 2007 th'essufeghd Amina Elfakioui, yedjis na Rif i yedjan dh ict mesgharth (professeur) u tha mazzut (chercheuse) dhi u ghezdhis n th'ighri x Afrika dh y'ilsan nu gmudh (oriental) dhi university n Ghent dhi Beligika dh univesity en Del Kalabria dhi Italya, th'essufeghd a mawal (dictionnaire) a meqran u mezwaru n th'Mazight tha Rifect, a mawal a wanita itwascen a mowr a mezwar rami id yeffegh dhi university en Lieden dhi Holanda.
Idles dhi kbaben (Symbole). I kbaben teggent i dles. Idlesan tbeddaren minzi i kbaben radh nithni tbeddaren. A bedder yezmar adh yiri automatik nigh yezmar adh yiri th’sghirath ca n ideologie nigh politik. Isem n Almaghrib radh netta itadef dhi manaya. Ddula tha Marrokt thenjeh a tar issem a officiel a warni 1956. Manaya minzi ijen th’fraith n politik thufa illa Almaghreb i tased kta ak u mezruy dh ixef n th’murth a –i yedjan mammec nessen dh tha Mazight-.
Yuca u Marrok 500 melion DH i project n television a Mazigh, i zi ssetimen i Mazighen a sgeaedh n idles nsen dhi u madhal. Dhi simwass (jemaa) thsinya ddula dh carika n television x min yeqqimen huma a yebdha Television n tha Mazight. Rexxu qa qarnac zi yowr n 9 tsawent adh yazem. I sinya tha brat a Khalid Anassiri a wzair u msawadh (Telecomunication), i sawaren s yires n lhukuma, Salahdin Mezouar a wzair n tha demsa (économie) dh Faisal Alaraichi a mghar n carika n Television dhiw Marrok.
Mri mma thessijjed xanegh r mecta dhi tha murth negh s marra min-d thabo n th'esmedh y'essazaghen a man mamec id hkwan zi r mizab dh wa nza izi hemren i ghezran dh u dhfer izi teccuren i dhurar iri azedjif nnegh ixarres dhi ait-math negh i mazighen i yeddan dhi dhurar n Atlas n tha murth nnegh. Cwayt n tha brit wa dhayes gwan gha r mar nigh dh yinni idhin yeddan a beadha.
Thekkad ijen tha mesmunt i Marrak i Mazighen tezmen dhi lhukuma i wa then i'tejjin ca adh eggen i smawen nssen i mazighen dhi recwaghedh n idarath a macnaw cawahid n'er mukt dh th'udhath. Manaya kidh-ssen teg lhukuma twaran-t nithni dh ijen rasizm i yidles ni Mazighen. Uca ntaf ddula thugi x 13 ni smawan i mazighen zaysen Ilelli, Sifaw, Ithri.
Thezra tha ndint n Los Angeles th’uddsa (organisation) n ijen festival a madhal i Film a mazigh. Th’bedd xas tha sadut (institut) tha zla ni delsan dhi u Merikan, i xef tayya Dr. Hilen Hejan icten zi yenni i seddan Kongres a Madhal a Mazigh, nettath i turan nnes zi Marrok dh dzayar. Zi Filmath i Mazighen i temhizwan xu mcan a mezwaru “Tiza ull” n Hicham Aayouch, “Faxar dhi a Rif” m Dounia ben Jelloune, dh ijen dokumentaire jar r Marrok dh Canada xi Mazighen.
Thettar tha sadut (institut) ni dles a Mazigh zi u zedjidh Mohamd VI adh yar nhar n 13 zi Yennayar dh tha meghra, r’aidh dha ghelnaw (national). Thutra ya ad themmani gha thenni tha mezwarut i yettan hettu n iw ddar n ires a Mazigh. Maca min yeana u segwas a. I wdhan n Afrika n’ennej tugha ghassen yumiya nsen tha Mazight 2959 zegwami rexxu. 950 i segwus qber i sidna Aissa.
Yemsaga kippo n Ithri na Rif Nador ak wenni n Amal Saouira nhar n 10 zi 1 2009 dhi isem n partidhath n leag wis 1. Complexe na ryadha am rebda yeccur s fans n Ithri Nador, usind huma adh bedden ak kippo nsen I aizzen si leaaben nnes Dodo, Ouchen, Sliman, Arzan, Adnan, Chaib, Alqadaoui, Souzan, Jouaybou, Rachid, Sami, ait-mathen Alafoui, etc. Ithri yabeh partidha ya s 65 gha 57.
I neghmisen 
Tfu, tfu uca tfu (224)
Yug Amazigh (68)
Hocima (Al Houceima) wallpaper (59)
NCM v.1.0 turorial u sexdhem (50)
Rmexzen a Marrok i xessith adh yini mani yedja Chakib El-Khayari, ijen aktiviste dhi thi seqqa ni wdhan. Mass El-Khiari tugha i ruhen ass n 17 Februrar 2009 dhi Casablanca gha Policia i tugha dhasd yesseken tha nfutc (istidaa), zi rexdenni wa yedhha ratha nnes. Dhi w’ass dh’ijen zic, udfen Policia dhi Nador x tha ddath n familiya n Chakib El-Khayari. Uca issin-as computer dh ca n recwaredh nnes, mammec thaawedh familiya n Mass El-Khayari.
Buy ThorazineBuy FlexirilBuy FamvirBuy F...
cava jesuis abdlati
salam ana hanan aklim faysal jami nas...
dchar ino natath tamzgha afdjah ino ...
azul imazighan mani ma djen tnme...
salamca va
msn:mohamed_alboliti@hotmail.com
hola
:
I found you entry interesting do I' ve a...
I found you entry interesting do I' ve a...
Azul a aytma Imazighen mani ma sedrem !A...